تەست: ۇرسىسۋدى جاقسى كورەسىز بە؟

الايدا مۇنداي جاعىمسىز قىلىق تانىتۋىنىڭ ءوز سەبەبى دە بار. ول سەبەپ الەۋمەتتىك- تۇرمىستىق جاعدايىنىڭ تومەن بولۋىمەن، وتباسىنداعى قيىندىقتارىمەن بايلانىستى بولۋى مۇمكىن. الايدا ءاردايىم بارلىعىن تۇزەتۋگە بولاتىنىن ءبىلىڭىز. ازىرگە تومەندەگى تەستىنىڭ كومەگىمەن ءوزىڭىزدىڭ قانداي ادام ەكەنىڭىزدى انىقتاۋىڭىزعا بولادى.
1. قوعامدىق كولىكتە نەمەسە بازاردا تۇرعان ادامدار ءسوز تالاستىرىپ جاتىر. ءسىز:
ا) ارالاسپايمىن - 4
ءا) ارالاسىپ، ادىلدىكتى تالاپ ەتەمىن - 2
ب) ءوز ويىمنىڭ دۇرىستىعىن دالەلدەۋ ءۇشىن بارلىعىن جاسايمىن - 0
2. ءبىر جينالىستا وتىرسىز دەلىك. ءسىز:
ا) ەشنارسە ۇسىنبايمىن جانە ەشۋاقىتتا سىن ايتپايمىن - 4
ءا) قاجەت بولعان كەزدە بايانداما وقيمىن - 2
ب) ۇنەمى سىن ايتىپ، بايانداما وقيمىن - 0
3. باستىعىڭىز سىزگە ۇنامايتىن ۇسىنىس ايتتى. ءسىز:
ا) ۇسىنىسىمدى وزگەلەر قولدايتىنىن بىلگەن كەزدە عانا ايتامىن - 4
ءا) قانداي جاعداي بولماسىن ءوز پىكىرىمنىڭ دۇرىستىعىن دالەلدەيمىن - 2
ب) بۇدان كەيىن باستىقتىڭ وزىمە قىرىڭ قاراپ جۇرەتىنىن بىلگەندىكتەن، قارسىلاسپايمىن - 0
4. ءسوز تالاستىرعاندى ۇناتاسىز با؟
ا) تەك جاقىن دوستارىممەن عانا ءسوز تالاستىرامىن - 4
ءا) ونشا ۇناتپايمىن، ءبىراق قاجەت بولسا، ءوز پىكىرىمنىڭ دۇرىستىعىن دالەلدەۋگە دايىنمىن - 2.
ب) ءسوز تالاستىرۋ دەسە جانىم كىرەدى - 0
5. بىرەۋدىڭ كەزەكتەن تىس ءوتىپ بارا جاتقانىن كورسەڭىز نە ىستەيسىز؟
ا) كەزەكتى بۇزۋشىنى شەتكە يتەرىپ، الدىعا قاراي وتەمىن - 4
ءا) اشۋىمدى كورسەتپەۋگە تىرىسامىن - 2
ب) وعان جۇدىرىق الا جۇگىرەمىن - 0
6. بىرەۋدىڭ تاعدىرى ءسىزدىڭ قولىڭىزدا بولسا نە ىستەيسىز؟ (ارىپتەسىڭىز باستىققا جوباسىن ۇسىنىپ جاتىر)
ا) بارىنشا ادىلەتتى بولۋعا تىرىسامىن - 4
ءا) تەك جاقسى تۇستارىن اتاپ ءوتىپ، قولداي تۇسەمىن - 2
ب) كەلەسى جولى ۇسىنباسىن دەگەن ويمەن كەم- كەتىك تۇستارىن عانا ايتىپ وتەمىن - 0
7. قۇربىڭىز ءسىزدى ۇنەمى اقشانى كوپ قۇرتاتىندىعىڭىز ءۇشىن ۇرسادى. مۇنىمەن قاتار، ءوزى ءسىزدىڭ اقشاڭىزعا ورتاقتاسادى. وزىنە قاجەتسىز زاتتار ساتىپ الىپ، ءسىزدىڭ پىكىرىڭىزدى سۇرايدى. ءسىز:
ا) ول ءۇشىن شىن جۇرەكتەن قۋانامىن - 4
ءا) ونىڭ دۇرىس جاساماعاندىعىن بەتىنە باسامىن - 2
ب) ءسوز تالاستىرۋدان شارشامايمىن - 0
8. ون جاستاعى بالا سىزدەن تەمەكى سۇرادى. ءسىز قانداي جاۋاپ قايتاراسىز؟
ا) قالتامدا بولسا بەرەمىن، مەن ولاردى تاربيەلەۋگە مىندەتتى ەمەسپىن - 4
ءا) «بۇل نە دەگەن كورگەنسىزدىك» سىندى قاتتى سوزدەر ايتامىن - 2
ب) كورەتىن كوز بولسا، ونىڭ «اكەسىن تانىتار ەدىم» - 0
9. ساتۋشى ءسىزدىڭ اقشاڭىزدى جەدى. ءسىز:
ا) «نە دەگەن كورگەنسىزدەر» دەپ ۇرىسىپ، ەسىكتى تارس ەتكىزىپ جاۋىپ كەتەمىن - 4
ءا) ودان قايتالاپ ەسەپتەۋدى تالاپ ەتەمىن - 2
ب) جانجالداسىپ، جۇدىرىق جۇمساۋعا دەيىن بارامىن - 0
10. قوناق ءۇي اكىمشىلىگى ءوز مىندەتىن تولىق ورىنداماسا، نە ىستەيسىز؟
ا) مەنىڭ پىكىرىم كوپ نارسەنى وزگەرتە قويمايتىنىنا سەنىمدى بولعاندىقتان، ۇندەمەيمىن - 4
ءا) بيلىك باسىندا وتىرعان تانىستارىما حابارلاسىپ، شاعىمدانامىن - 2
ب) بار اشۋىمدى داياشىلاردان الامىن - 0
11. بالامەن سالعىلاسىپ، ارتىنشا ءوزىڭىزدىڭ قاتەلەسكەنىڭىزدى بىلەسىز. وسى كەزدە قانداي ارەكەت جاسايسىز؟
ا) وعان قاتەلەسكەنىمدى بىلدىرمەيمىن، كەرىسىنشە ءوز پىكىرىمدى دالەلدەي تۇسەمىن - 4
ءا) قاتەلەسكەنىمدى مويىندايمىن - 2
ب) بالالاردىڭ الدىندا بەدەلىم تۇسپەسىن دەگەن ويمەن ەشۋاقىتتا قاتەلەسكەنىمدى مويىندامايمىن - 0
جاۋابى:
30-40 ۇپاي. ادامدارمەن قالاي ءتىل تابىسۋ كەرەكتىگىن بىلەسىز. جانجالدى بولدىرماۋعا تىرىساسىز. وكىنىشكە وراي، كەرەك كەزدە سىني پىكىر ايتا المايسىز. سىزگە ءوز پىكىرىڭىزدى ايتىپ ۇيرەنۋ قاجەت سياقتى.
15-29 ۇپاي. كەيدە جانجال شىعاراتىن ادەتىڭىز بار. وسى مىنەزىڭىزگە قاراماستان، ءوز ورتاڭىزدا سىيلى ازاماتسىز.
14 ۇپاي. «تۇيەدەيدى تۇيمەيدەي ەتىپ، ۇنەمى جانجال شىعارىپ جۇرەسىز. ادامداردىڭ جاقسىلىعىن تەز ۇمىتاسىز. ءسوزىڭىزدىڭ قاتە ەكەنىن بىلسەڭىز دە، ونى دالەلدەۋدى ءجون كورەسىز. اينالاڭىزداعىلاردىڭ ءوزىڭىزدى «كوكبەت» دەپ اتايتىنى ۇنامايدى. ءوزىڭىزدى وزگەلەردەن تومەن سانايتىندىقتان وسىلاي جاسايسىز. بۇل تۋرالى ويلانعانىڭىز ءجون بولار.
massaget.kz