الماتىنىڭ جاڭا اكىمى باۋىرجان بايبەكتىڭ مەنشىگىندە نە بار؟

ماقالانى qamshy.kz سايتى قازاق تىلىنە اۋدارىپتى.
كوبىنەسە قازاقستانداعى اۋقاتتى جانۇيادان شىققاندار ب ا ق- تىڭ نازارىندا بولاتىنى قالىپتاسقان قاعيداعا اينالىپ ۇلگەرگەندەي. اسىرەسە، VIP- تۇلعالار ب ا ق- تىڭ نازارىنان قاشقاقتاپ جۇرەتىنىمەن، اتاق- داڭق ولارعا مۇرشا بەرمەيتىنى انىق. نەگىزىنەن جۋرناليستيكالىق جانە ادامي ەتيكاعا سايكەس بىرەۋدىڭ قالتاسىنداعى قاراجاتتى ساناۋ ەرسى بولعانىمەن، قىزىعۋشىلىق قۇرعىر نە ىستەتپەيدى. ەگەر ءسىز بەن ءبىزدىڭ نىساناعا العانىمىز بيلىكتىڭ بيىك مىنبەرىندە جۇرگەن ازامات بولسا تىپتەن...
سونىمەن، بۇگىنگى نىسان - الماتىنىڭ جاپ-جاڭا اكىمى باۋىرجان بايبەك جانە ونىڭ وتباسى.
ساياسات تانۋ عىلىمدارىنىڭ كانديداتى. مەملەكەت باسشىسىنىڭ قۇرمەت گراموتالارىمەن بىرنەشە مارتە ماراپاتتالعان. قۇرمەت جانە پاراسات وردەندەرىنىڭ يەگەرى. مۇنىڭ سىرتىندا باۋىرجان بايبەك مىرزا - «بولاشاق» باعدارلاماسى ستەپەنديانتتارىنىڭ حالىقارالىق اسسوتسياتسياسىنىڭ مۇشەسى.
سونىمەن، بايبەك مىرزانىڭ بايلىعى قانشا؟
2015 -جىلدىڭ ءساۋىر ايىندا باۋىرجان بايبەك مىرزانىڭ اتىنا «Aray Consulting Group» كومپانياسى تىركەلگەن. ازىرگە ونىڭ جالعىز تىزگىنىن باۋىرجان مىرزانىڭ ءوزى ۇستاپ وتىر. كومپانيا استانا قالاسىندا جىلجىمايتىن مۇلىكتەردى جالعا بەرۋمەن اينالىسادى. رەسمي قۇجاتتاردا كومپانيانىڭ ءبىرىنشى جەتەكشىسى - 28 جاستاعى ماقسات راحمانقۇلوۆ دەپ كورسەتىلگەن ەكەن.
بايبەكتىڭ جارى - جانار راحمەتوۆا 1973 - جىلى اتىراۋ وبلىسىندا دۇنيەگە كەلگەن. اكىم مەن ونىڭ جارى - گەرمانيادا تانىسقان جانە سوندا وتاۋ قۇرعان.
باۋىرجان بايبەكتىڭ جارى - «بولاشاق كونسالتينگتىك توبى جەتەكشىلەرىنىڭ» ءبىرى. كومپانيا 2010 -جىلدان بەرى قاراي بەلسەندى جۇمىس ىستەپ كەلەدى. نەگىزگى عيماراتتارى - استانا قالاسىندا ورنالاسقان. ەندى قارجىلىق تولەمدەر ماسەلەسىنە كەلەر بولساق، سوڭعى 5 جىلدا ج ش س مەملەكەت قازىناسىنا سالىق رەتىندە - 3855386000 تەڭگە اۋدىرعان. مىسالى، 2013 -جىلمەن سالىستىرعاندا بىلتىرعى جىلى اۋدارىلعان سالىق 13 ەسەگە ارتىپ، 25655 تەڭگەدەن 3419732000 تەڭگەگە ارتقان. ال بيىلعى جىلى كومپانيا قازىناعا 255871000 تەڭگە سالىق تولەگەن.
بايبەك مىرزانىڭ اتا- اناسى قاراپايىم زەينەتكەرلەر. ونىڭ اكەسى قادىرعالي مۇقامەتامىر ۇلى ەلباسىنىڭ سىنىپتاسى ەكەنى تۋرالى وسىعان دەيىن قازاقستاندىق ب ا ق- تا جازىلعان بولاتىن. زەينەتكە دەيىن قادىرعالي اقساقال جولاۋشىلار تاسىمالى سالاسىندا ەڭبەك ەتكەن. ال اناسى - التىناي كۇنعالي قىزى اتىراۋ وبلىسىنىڭ تۋماسى.
ەسكەرە كەتەيىك، باۋىرجان قادىرعالي ۇلىنىڭ اتا- اناسى 2013 -جىلدان باستاپ كاسىپكەرلىكپەن اينالىسادى. اكەسىنىڭ اتىندا ج ش س: «ب ت س «نۇر تاۋ» جانە «WoodArt» تىركەلگەن. ءبىرىنشىسى، 2013 -جىلى استانا قالاسىندا اشىلسا، ءدال وسى عيماراتتىڭ جانىندا «نۇر تاۋ» بيزنەس ورتالىعى ورنالاسقان. بيزنەس ورتالىقتا 6 قىزمەتتىك ءبولىم، 3 ساۋدا ورتالىعى، كافە، كونفەنتس- زال جانە جاتتىعۋ زالى ورنالاسقان.
ەكىنشى كومپانيا بيىل قۇرىلعان. ال باۋىرجان بايبەكتىڭ اناسىنىڭ كومپانياسى 2014 - جىلى تىركەلگەن. كومپانيا قۇرىلىس سالاسىندا قىزمەتتەر كورسەتۋمەن اينالىسادى. سونداي- اق، ج ش س «نۇرلى-بي» كومپانياسى قىزى - ايگۇل بايبەككە تيەسىلى بولىپ شىقتى. بۇل كومپانيا 2013-2014 - جىلدارى مەملەكەتتىك قازىناعا سالىق رەتىندە - 118466000 تەڭگە تولەگەن.
ايتپاقشى، بايبەك باۋىرجان مىرزانىڭ قارىنداسى - ەتنوگراف، ونەرتانۋ عىلىمىنىڭ كانديداتى. ەكى بىردەي «Aray Fine Dining Group» (رەستوران بيزنەسى) جانە «Aray Media Group» ج ش س- لەرىنىڭ جالعىز يەسى.
سونىمەن قاتار، اكىمنىڭ اپكەسى «Rosinka Bio» كومپانياسىنىڭ ۇلەسكەرى بولىپ شىققان.
(بارلىق اقپاراتتار اشىق جانە رەسمي دەرەككوزدەرىنەن الىنعان)