بيىل باس بوستاندىعىنان ايىرۋ ورىندارىنان بوساعاندار ينفرا قۇرىلىمدىق جوبالارعا جۇمىسقا تۇردى

بۇل تۋرالى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى سۆەتلانا جاقىپوۆا ءمالىم ەتتى.
«2015 - جىلى تۇرمەدەن بوساپ شىققان 891 ازامات جۇمىسقا ورنالاستىرىلدى. ونىڭ ىشىندە ايماقتاردى دامىتۋ باعدارلاماسى بويىنشا 750 ادام، «جۇمىسپەن قامتۋ جول كارتاسى-2020» بويىنشا 141 ادام جۇمىسقا تۇردى»، - دەپ حابارلادى سۆەتلانا جاقىپوۆا.
ولار ينفراقۇرىلىمدىق جوبالارعا، قۇرىلىسقا، كاسىپتىك دايارلاۋعا باعىتتالعان ەكەن.
ۆيتسە- مينيستر مەملەكەتتىڭ «حالىقتى جۇمىسپەن قامتۋ تۋرالى» زاڭىنا سايكەس قۇرامىنا بوستاندىعىنان ايىرۋ ورىندارىنان بوساپ شىققان جانە انىقتاۋ قىزمەتىندە ەسەپتە تۇرعان ازاماتتار كىرەتىن تۇرعىنداردىڭ ماقساتتى توپتارىن جۇمىسپەن قامتۋ شارالارىمەن قامتاماسىز ەتەتىندىگى تۋرالى مالىمدەدى. ولار الەۋمەتتىك جۇمىس ورىندارىنا ورنالاسۋ، كاسىپتىك دايارلاۋ، قايتا دايارلاۋ، بىلىكتىلىكتى ارتتىرۋ جانە اقىسى تولەنەتىن الەۋمەتتىك جۇمىستارعا ورنالاسۋعا باعىتتاۋ بارىسىندا باسىم قۇقىققا يە.
ق ر «ارنايى الەۋمەتتىك قىزمەتتەر تۋرالى» زاڭىنا سايكەس بوستاندىعىنان ايىرۋ ورىندارىنان بوساپ شىققان ازاماتتار تومەندە كەلتىرىلگەن ساتتەردە قيىن ومىرلىك جاعدايدا دەپ قاراستىرىلادى: ەگەر ازامات جاسى ۇلعايعان، مۇگەدەك جانە جالعىزباستى بولسا، وندا ونىڭ بوساعاننان كەيىن قارتتار نەمەسە مۇگەدەكتەرگە ارنالعان قوعامدىق ءۇي- ينتەرناتىنا جولداما الۋ مۇمكىندىگى بار.
قازىرگى تاڭدا قارتتار مەن مۇگەدەكتەرگە ارنالعان مەديتسينالىق- الەۋمەتتىك مەكەمەلەردە بوستاندىعىنان ايىرۋ ورىندارىنان بوساپ شىققان 173 ادام بار. ول مەكەمەدەگى بارلىق تۇرعىنداردىڭ %2,5 قۇرايدى.
سونىمەن قاتار ەگەر ازاماتتىڭ تىرشىلىك ەتۋگە قاراجاتى جانە تۇرعىلىقتى مەكەنى بولماسا، وندا ول بوساعاننان كەيىن تۇرعىلىقتى مەكەنى انىقتالماعان ادامدارعا ارنالعان الەۋمەتتىك بەيىندەۋ ورتالىعىنا باعىتتالادى. قازاقستاندا مۇنداي 24 ورتالىق بار، وندا بوستاندىعىنان ايىرۋ ورىندارىنان بوساپ شىققان 426 ادام ورنالاستىرىلعان.
ق ر ءى ءى م ق ا ج ك ت مالىمەتى بويىنشا بيىل جەرگىلىكتى اتقارۋ ورگاندارى اتقارعان جۇمىستاردىڭ ناتيجەسىندە 1280 سوتتالعان ادامدارعا ەمدەۋ بويىنشا جاردەم، ءبىلىم الۋ بويىنشا - 49,1013 ادامعا پسيحولوگيالىق قولداۋ كورسەتىلىپ كەلەدى. 55 قۇجات الىنىپ، قايتا قالپىنا كەلتىرىلدى، 1761 سوتتالعان ادامدارعا وزگە دە كومەكتەر كورسەتىلدى.
جىل سايىن قىلمىستىق- اتقارۋشى جۇيە مەكەمەسىنەن 9 مىڭنان 11 مىڭعا دەيىن ازامات بوساتىلىپ شىعارىلادى. 2015 - جىلدىڭ 6 ايىنىڭ ىشىندە 7634 سوتتالۋشى بوساپ شىققان (2014 - جىلدىڭ سايكەس مەرزىمىندە - 5123 ادام).
اۆتور: رۋسلان عابباسوۆ