13:13, 26 - تامىز 2015 | GMT +5
ۋكراينا اسكەر سانىن كوبەيتەدى - پوروشەنكو
استانا. قازاقپارات - ۋكراينا پرەزيدەنتى پەتر پوروشەنكو كيەۆ ەلدىڭ وڭتۇستىك- شىعىسىنداعى رەسەيشىل سەپاراتيستەر شابۋىلىنا تويتارىس بەرۋ ءۇشىن اسكەر سانىن كوبەيتەتىنىن مالىمدەدى.

پوروشەنكو بۇل جايىندا بۇگىن كيەۆتىڭ ورتالىعىندا وتكەن ۋكراينا تاۋەلسىزدىگى كۇنىنە ارنالعان اسكەري مارشتا ايتتى.
پوروشەنكونىڭ سوزىنشە، ۋكراينا- رەسەي شەكاراسىندا رەسەيدىڭ 50 مىڭ ساربازى شوعىرلانعان، ال 9 مىڭ رەسەيلىك اسكەري ۋكراينا شىعىسىنداعى سەپاراتيستەرگە بولىسىپ ءجۇر. ۋكراينا پرەزيدەنتى بۇعان قوسا وتكەن اپتادا ۋكراينا تەرريتورياسىنا قاراي شەكارادان جاڭا اسكەري تەحنيكالار وتكەنى بايقالعانىن دا ايتتى.
2014 - جىلدىڭ ساۋىرىندە باستالعان ۋكراين ۇكىمەت اسكەرى مەن رەسەي قولدايتىن سەپاراتيستەر اراسىنداعى قاقتىعىستان قازا تاپقاندار سانى 6 مىڭ 800 ادامنان استى.
اقپان ايىندا مينسكىدە جاسالعان بەيبىت كەلىسىم ءجيى بۇزىلىپ، كيەۆ پەن سەپاراتيستەر وق اتتى دەپ ءبىر- ءبىرىن ايىپتايدى.
«ازاتتىق»