13:05, 26 - تامىز 2015 | GMT +5
ن. شاريف ق ر پرەزيدەنتىن پاكىستانعا ساپارمەن كەلۋگە شاقىردى
استانا. قازاقپارات - بۇگىن اقوردادا ەلىمىزگە ساپارمەن كەلگەن پاكىستان پرەمەر- ءمينيسترى ميان مۋحامماد ناۆاز شاريف كەڭەيتىلگەن قۇرامداعى كەلىسسوزدەر بارىسىندا ق ر پرەزيدەنتى نۇرسۇلتان نازاربايەۆتى ءوز ەلىنە ساپارمەن كەلۋگە شاقىردى.

«مەن قازاقستاندى ءوزىمنىڭ ەكىنشى ءۇيىم سانايمىن جانە كوپتەگەن جىلداردان كەيىن بۇل ەلگە ورالۋىم دا عانيبەت. مەن وسى ءساتتى پايدالانا وتىرىپ، ءسىزدى وزىڭىزگە ىڭعايلى ۋاقىتتا پاكىستانعا، ءبىزدىڭ ەلىمىزگە ساپارمەن كەلۋگە شاقىرامىن» ، - دەدى ول.
سونىمەن قاتار پاكىستان ۇكىمەتىنىڭ باسشىسى سوناۋ 1992 -جىلى الماتىعا جاساعان العاشقى ساپارى ەسىندە ەكەندىگىن اتاپ ءوتىپ، قازاقستان تارابىنىڭ جىلى قابىلداۋى ءۇشىن ريزاشىلىعىن ءبىلدىردى.
اۆتور: مارلان جيەمباي