استانالىق جول ساقشىسى باقىت ءالىمقۇلوۆ كۇرە جولدا ءۇش رەت ايەل بوساندىردى

استانا. قازاقپارات - استانا قالالىق ءى ءى د جول- پاترۋلدىك پوليسيا پولكى جەتىنشى روتاسىنىڭ ەكىنشى ۆزۆودىنىڭ كومانديرى، كاپيتان باقىت ءالىمقۇلوۆ 25 - تامىزدا دەنى ساۋ بالانىڭ دۇنيەگە كەلۋىنە كومەكتەستى.
None
None

 ساعات 16 شاماسىندا پوليتسيا قىزمەتكەرى «قوسشى» باعىتىنداعى «ەرتىس» بەكەتىندە بولعان. وعان كەلگەن «اۋدي» ماركالى كولىكتىڭ جۇرگىزۋشىسى كومەك سۇراپ، جۇبايىنىڭ بوسانىپ جاتقانىن، ال استاناداعى پەرزەنتحاناعا دەيىن ۇلگەرە المايتىندىعىن ايتقان. باقىت ءالىمقۇلوۆ جەدەل جاردەم قىزمەتىن شاقىردى، ءبىراق دارىگەرلەر كەلىپ جەتكەنشە ايەلدى ءوزى بوساندىرىپ، ءسابيدىڭ كىندىگىن كەسىپ تە ۇلگەردى.

جەدەل جاردەم قىزمەتى نارەستە مەن ونىڭ اناسىن ەلوردانىڭ پەريناتالدىق ورتالىعىنا جەتكىزدى.

قازىرگى كەزدە اناسى ساعات پەن ونىڭ بالاسى وزدەرىن جاقسى سەزىنۋدە، ريزا بولعان اتا- انانىڭ باقىتىندا شەك جوق. سالماعى 3 كەلى بولىپ تۋىلعان ۇل بالا مەن اناسى قازىر دارىگەرلەردىڭ قاراۋىندا جاتىر. بۇل قانات پەن ساعاتتىڭ وتباسىنداعى بەسىنشى بالا.

 باقىت ءالىمقۇلوۆ تا بەس بالانىڭ اكەسى ەكەن. پوليتسيا قىزمەتكەرى بەس جىل بۇرىن كۇرە جولدا ەكى رەت ايەل بوساندىرعانىن ايتتى. بۇل باقىت ءالىمقۇلوۆتىڭ بوساناتىن ايەلدەرگە كومەگىنىڭ ءۇشىنشى وقيعاسى.

2

3

سوڭعى جاڭالىقتار