ن. نازاربايەۆ: قازاقستان مەن پاكىستان اراسىنداعى ەكىجاقتى قارىم- قاتىناستىڭ جاڭا پاراقتارىن اشار ءسات جەتتى

 استانا. قازاقپارات - قازاقستان مەن پاكىستان اراسىنداعى ەكىجاقتى قارىم- قاتىناستىڭ جاڭا پاراقتارىن اشار ءسات جەتتى. بۇل تۋرالى بۇگىن اقوردادا ەلىمىزگە ساپارمەن كەلگەن پاكىستان پرەمەر- ءمينيسترى ميان مۋحامماد ناۆاز شاريفپەن كەڭەيتىلگەن قۇرامداعى كەلىسسوزدەر بارىسىندا ق ر پرەزيدەنتى نۇرسۇلتان نازاربايەۆ ايتتى.
None
None

«قۇرمەتتى پرەمەر- مينيستر مىرزا، سىزگە جانە ءسىز ارقىلى پاكىستاندىق دەلەگاتسياعا قازاقستانعا قوش كەلدىڭىزدەر دەيمىز. ءسىزدىڭ ساپارىڭىز بىزدەردىڭ سوناۋ 1992 -جىلى كەزدەسۋىمىزدە نەگىزى قالانعان قارىم- قاتىناستارىمىزدىڭ جاندانۋىنا تىڭ سەرپىن بەرەرىنە سەنىمدىمىن» ، - دەدى ن. نازاربايەۆ.

ەلباسى ءوز سوزىندە پاكىستان ۇكىمەتى باسشىسىمەن اراداعى سول كەزدەسۋ ءالى ەسىندە ەكەندىگىن جانە قازاقستاندىقتاردىڭ ءوز تاۋەلسىزدىگىن پاكىستاننىڭ الەم ەلدەرىنىڭ الدىڭعى قاتارىندا مويىنداپ، قولداۋ بىلدىرگەنىن ەستەن شىعارمايتىندىعىن اتاپ ءوتتى.

سونىمەن قاتار مەملەكەت باسشىسى قازاقستان مەن پاكىستاننىڭ حالىقارالىق كۇن تارتىبىندەگى ۇستانىمدارى ۇقساس ەكەندىگىن، عاسىرلارعا سوزىلعان دوستىق، مادەني بايلانىستار ەكى مەملەكەتتى باۋىرلاس ەلگە اينالدىرا تۇسەتىندىگىن باسا ايتتى.

«قازىرگى شىنايى جاعدايدا ءبىزدىڭ قارىم- قاتىناستاردىڭ جاڭا پاراقتارىن اشۋ ءساتى كەلىپ تۇر. ءسىزدىڭ بۇل ساپارىڭىز قارىم- قاتىناستىڭ ءدال وسى باعىتتا دامۋىنا سەپتىگىن تيگىزەرىنە سەنىمدىمىن» ، دەدى ەلباسى.

 

 اۆتور: مارلان جيەمباي

سوڭعى جاڭالىقتار