12:01, 03 - قىركۇيەك 2015 | GMT +5
ومبىدا تەرەزەدەن لاقتىرىپ جىبەرگەن بالانى قاعىپ العان ەر ادام كوز جۇمدى
استانا. قازاقپارات - ومبىدا ناشاقور اكەسى تەرەزەدەن لاقتىرىپ جىبەرگەن ءۇش جاسار بالانى قاعىپ الىپ، امان الىپ قالعان ەر ادام قايتىس بولدى.
ەسكە سالساق، وسى جىلعى ناۋرىزدا ۆلاديمير كۋزنەتسوۆ ەسىرتكىگە ەسىرگەن اكەسى ءۇشىنشى قاباتتاعى تەرەزەدەن لاقتىرىپ جىبەرگەن بالانى امان الىپ قالعان. تەرەزە جانىنان ءوتىپ بارا جاتقان ول بالانى قاعىپ العان.
سالدارىنان بالانىڭ ميى شايقالعان. الايدا ءتىرى قالدى، ونىڭ ناشاقور اكەسى سەگىز جىلعا سوتتالدى.
ۆلاديميردىڭ جەسىرى ولگانىڭ ايتۋىنشا، وسى كەلەڭسىز جاعدايدان كەيىن ەرىنىڭ دەنساۋلىعىندا كىنارات پايدا بولا باستاعان كورىنەدى.
بالانى قاعىپ العان وقيعادان كەيىن ۆلاديمير كۋزنەتسوۆ تىنىس الۋىنىڭ ناشارلاعانىن ايتقان.
اۆتور: سەرىك قاراجان
