حالىقارالىق اۆياتسيالىق- عارىشتىق سالونىنا تاجىريبە جيناقتاۋ ماقساتىندا قازاقستاننىڭ اسكەري قىزمەتشىلەرى قاتىسۋدا - فوتو

 استانا. قازاقپارات - ماسكەۋ تۇبىندەگى جۋكوۆكادا ءوتىپ جاتقان «م ا ك س-2015»  XII حالىقارالىق اۆياتسيالىق- عارىشتىق سالونىنا تاجىريبە جيناقتاۋ جانە ۇيىمداستىرۋ ادىستەرىن جەتىلدىرۋ ماقساتىندا قازاقستان قورعانىس مينيسترلىگىنىڭ اسكەري قىزمەتشىلەرى قاتىسۋدا.
None
None

 «م ا ك س-2015»  XII حالىقارالىق اۆياتسيالىق- عارىشتىق سالونىنىڭ اياسىندا ق ر قورعانىس ءمينيسترى يمانعالي تاسماعامبەتوۆ «روستەح» مەملەكەتتىك كورپوراتسياسىنىڭ باس ديرەكتورى سەرگەي چەمەزوۆپەن،

«روس وبورونو ەكسپورت» باس ديرەكتورى اناتولي يسايكينمەن، سونداي- اق «يركۋت» كورپوراتسياسىنىڭ پرەزيدەنتى يگور دەمچەنكومەن جانە «رەسەي تىكۇشاقتارى» ا ق باس ديرەكتورى الەكساندر ميحەيەۆپەن كەزدەستى. بۇل كەزدەسۋلەر وتاندىق قورعانىس ونەركاسىبى كەشەنىن دامىتۋ ماقساتىندا وتكىزىلدى.

اۆياسالوننان اۆياتەحنيكانىڭ اسكەري جانە ازاماتتىق ۇلگىلەرىن جانە وعان قاتىستى ماتەريالداردى، سونداي- اق تاجىريبەلى ۇشۋ اپپاراتتارى مەن اسكەري جيىنتىقتاردى كورۋگە بولادى. كورمەگە بارلىعى 800 دەن استام كومپانيالار مەن ۇيىمدار قاتىسۋدا. وسىنداي اۋقىمدى ءىس- شارانى كورشى ەلدە ءوتۋى الداعى كەزدە استانا قالاسىندا وتەتىن « KADEX-2016» حالىقارالىق كورمەسىن وتكىزۋگە تاجىريبەسى جيناقتاۋ ءۇشىن ايتارلىقتاي ماڭىزدى بولىپ تابىلادى.

«ءبىز «KADEX» كورمەسىنىڭ ەرەكشە، سيرەك وتەتىن ەرەكشەلىگى بولعانىن قالايمىز. اتالعان «KADEX» كورمەسىنىڭ اۋقىمدى جوسپارلى قۇرىلىمى بار. كورمەدە تەك اۆياتەحنيكا جاسايتىن اۆياشوۋ عانا ەمەس، سونىمەن بىرگە قۇرلىق اسكەرلەرى جانە تەڭىز اسكەرلەرى ءوزىنىڭ قارۋ- جاراعى مەن بار قۋاتىن كورسەتەدى. بۇلاردىڭ ءبارى كەز كەلگەن كورمەنى ۇيىمداستىرۋ ءۇشىن اسا ماڭىزدى»، - دەدى ق ر قورعانىس مينيسترلىگى اسكەري- تەحنيكالىق ساياسات دەپارتامەنتىنىڭ باستىعى پولكوۆنيك باقىت قۇرمانبايەۆ.

 كورمە جالپى كولەمى 19 مىڭ شارشى مەتردى جانە ەنى  1200 شارشى مەتردى قۇرايدى، بۇل پاۆيلونداردا 356 اۆياتەحنيكانىڭ ەكسپوناتتارىن ۇسىنۋعا اكەلگەن الەمنىڭ 44 ەلىنەن بارلىعى 864 قاتىسۋشى كومپانيا قاتىسۋدا، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.

قازاقستان مەن رەسەي ستراتەگيالىق سەرىكتەستەر، ەكى ەل اراسىنداعى جان- جاقتى جانە ەكى جاقتى اسكەري- تەحنيكالىق ىنتىماقتاستىق قارقىندى دامىپ كەلە جاتقانىن ايتا كەتكەن ءجون.

2

3

4

5

6

7

8

9

10

سوڭعى جاڭالىقتار