سەۋلدە ايمان مۇساقوجايەۆاعا دانكۋك ۋنيۆەرسيتەتىنىڭ قۇرمەتتى عىلىم دوكتورى اتاعى بەرىلدى - فوتو

دەپ حابارلايدى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنەن.
قۇرمەتتى PhD عىلىم دوكتورى ديپلومىن تانىمال قازاقستاندىق سكريپكاشى دانكۋك ۋنيۆەرسيتەتىنىڭ پرەزيدەنتى حو- سۋنگ چانگتىڭ قولىنان الدى. سالتاناتتى تۇردە ديپلوم تاپسىرۋ ءراسىمى وڭتۇستىك كورەيانىڭ جەتەكشى ۋنيۆەرسيتەتىنىڭ تۇلەكتەرىن جىل سايىنعى رەسمي ماراپاتتاۋ اياسىندا ءوتتى.
- بۇگىن مەن ءۇشىن ەرەكشە كۇن. دانكۋك ۋنيۆەرسيتەتىنىڭ قۇرمەتتى دوكتورى دارەجەسىن الۋ مەن ءۇشىن ۇلكەن مارتەبە ءارى ەكى ەلدىڭ حالىقتارى الدىنداعى ۇلكەن جاۋاپكەرشىلىك. مەن نەگىزىن ەلباسى ن. ءا. نازاربايەۆ نەگىزىن قالاعان قازاق ۇلتتىق ونەر ۋنيۆەرسيتەتىنە اشىلعان ساتتەن باستاپ باسشىلىق ەتىپ كەلەمىن. مىنە وسى ەكى ونجىلدىق بويى ءبىلىم وشاعى تاۋەلسىزدىگىمىزدىڭ جەمىسى مەن جەڭىسىنە كۋا بولىپ، نىعايا تۇسكەن مەملەكەتىمىزبەن بىرگە دامىپ، ءوسىپ كەلەدى. وسكەلەڭ ۇرپاقتى تاربيەلەۋدە بارلىق كۇش- جىگەرىمدى ارناپ، سارقىلماس شابىت الامىن، - دەپ اتاپ ءوتتى ايمان مۇساقوجايەۆا.
ەسىمى الەمگە ايگىلى تانىمال سكريپكاشى ۋنيۆەرسيتەتتىڭ پرەزيدەنتى مەن جەتەكشى توپ- مەنەدجەرلەرىنە دانكۋك ۋنيۆەرسيتەتىنىڭ قۇرمەتتى عىلىم دوكتورى اتاعىن سەنىپ تاپسىرعاندارى ءۇشىن ءوز العىسىن ءبىلدىردى.
- ۋنيۆەرسيتەتتەرىڭىزدىڭ باستى ەرەكشەلىگى جاس ۇرپاقتىڭ رۋحاني دۇنيەسىن بايىتۋ بولىپ تابىلادى، بۇل ءوز كەزەگىندە مادەنيەتتىڭ دامۋىنا، دۇنيەتانىمنىڭ قالىپتاسۋىنا وڭ ىقپالىن تيگىزەدى. ۋنيۆەرسيتەت عىلىمي- اعارتۋشىلىق، مادەني ورتا قالىپتاستىرۋدا، ونىڭ الەمنىڭ الدىڭعى شەبىندەگى ءبىلىم وردالارىنىڭ قاتارىنا ەنۋگە زور الەۋەتى بار، - دەدى ايمان مۇساقوجايەۆا.
دانكۋك ۋنيۆەرسيتەتى كورەي ەلىنىڭ ۇلتتىق مۇراتى مەن مۇددەسىن جۇزەگە اسىرۋعا ايرىقشا ۇلەس قوسىپ، مادەني ءداستۇرى مەن باي تاريحتى نەگىزدە دامىپ كەلە جاتقان ۋنيۆەرسيتەت رەتىندە بەلگىلى.
بىرنەشە دامۋ كەزەڭدەرىنەن وتكەن دانكۋك ۋنيۆەرسيتەتى مەكتەپتىك ءبىلىم بەرۋ جۇيەسىنەن باستاپ، باكالاۆريات، ماگيستراتۋرا جانە دوكتورانتۋرا سياقتى حالىقارالىق جوعارى ءبىلىم بەرۋ باعدارلامالارىنا دەيىنگى جولدى ءوتىپ، كورەيانىڭ جەتەكشى ۋنيۆەرسيتەتتەرىنە اينالدى.