عالىمدار جۇيكەنى تەز توزدىراتىن قىزمەتتى اتادى
ونىڭ زەرتتەۋى بويىنشا ورتا شەندەگى (دەڭگەيدەگى) مەنەدجەرلەردىڭ جۇيكەسى بارىنەن بۇرىن شارشايتىنى انىقتالدى، دەپ جازدى The Times of India.
ونىڭ ساراپتاۋىندا قىزمەتتەگى جاندار ءۇش توپقا جىكتەلگەن. ءبىرىنشىسى، ءوزىنىڭ جەكە بيزنەسى بارلار (تابىسى 70 مىڭ دوللاردان جوعارى)، ەكىنشى، ءبولىم مەنەدجەرلەرى مەن باسشىلارى (اتقارۋشى، اكىمشىلىك جانە باسقارۋ قىزمەتتەرىندەگى جاندار) جانە ءۇشىنشى، قاراپايىم جۇمىسشىلار (ءتۇرلى قىزمەتتەر) توبى.
زەرتتەۋ ناتيجەسىندە 3- توپپەن سالىستىرعاندا 2-توپتىڭ ادامدارى جۇمىسىنا ەكى ەسە كوپ الاڭدايتىنى ايتىلعان.
ماماننىڭ بۇل جاڭالىعى عالىمداردى تاڭقالدىردى. سەبەبى، بۇعان دەيىن تومەن جالاقى مەن الەۋمەتتىك- ەكونوميكالىق جاعىنان از قامتىلعان ورتا (3- توپ) جۇمىستان كۇيزەلىسكە ۇشىراپ، دەنساۋلىعىنا زيان كەلتىرەدى دەپ كەلگەن. ەندىگى جاڭا تۇجىرىم بويىنشا، «كىشىگىرىم» باستىقتار جۇمىستا بارىنەن كوپ زيان شەگىپ، كۇيزەلىسكە ءبىرىنشى ۇشىرايدى ەكەن.
