ق ر ۆيتسە- پرەمەرى «كونە تاراز» قۇرىلىسشىلارىن مەملەكەتتىك قاراجاتتى بارىنشا ۇنەمدەۋگە شاقىردى - فوتو
كونە قالانىڭ بەينەسىن جاڭعىرتۋ جۇمىستارىنا مەملەكەتتىك بيۋدجەتتەن 958 ميلليون تەڭگە بولىنگەن. «كونە تاراز» ساياباعىنىڭ 20 گەكتار اۋماعىندا كىرەبەرىس اركاسى، قارايتىن مۇنارا، دوستىق ءۇيى مەن كونگرەسس- حولى بار ەتنومادەني ورتالىق، ەتنوگرافيالىق مۇراجاي، «تاراز سازدارى» ستەللاسى، سونداي- اق «مىڭبۇلاق» ساياباعى ورنالاسادى.
ب. ساپاربايەۆ بۇل نىسانداردىڭ سالىنۋ بارىسىمەن تانىسىپ ءوتتى. قازىرگى كەزدە «كونە تاراز» ساياباعىنىڭ اۋماعىندا بولاشاق نىسانداردىڭ ءبىرىنشى قاباتتارى كوتەرىلگەن.
كىرەبەرىس اركاسىن سالۋ جانە قۇنى 98 ميلليون تەڭگەنى قۇرايتىن «مىڭبۇلاق» ساياباعىن اباتتاندىرۋ جۇمىستارىن الماتى قالاسى جانە باتىس قازاقستان وبلىسىنىڭ قۇرىلىسشىلارى جۇرگىزۋدە. نىسانداردىڭ دايارلىعى 25 پايىزدى قۇراپ وتىر. 9 قاباتتى، قارايتىن مۇنارا 5- قاباتقا دەيىن كوتەرىلگەن. مەردىگەر «تاراز قۇرىلىس ديزاين» ج ش س نىساندا قۇنى 122 ميلليون تەڭگەلىك جۇمىستاردىڭ 50 پايىزىن ورىنداپ ۇلگەردى.
قۇنى 98 ميلليون تەڭگەنى قۇرايتىن «مىڭبۇلاق» ساياباعىندا مىڭ جاساندى «بۇلاقتاردى» ورناتۋ شامالانىپ وتىر. مەردىگەر «تەمىر- بايلىق» ج ش س قازىرگى كەزدە قۇرىلىس جۇمىستارىنىڭ 40 پايىزىن ورىنداعان. قازىرگى كەزدە بەتوندى قۇيۋعا دايىندىق ءجۇرىپ جاتىر.
قۇرىلىسشىلار بەلگىلەنگەن بارلىق نىسانداردى مەرزىمىندە تاپسىراتىنىنا سەندىردى. ق ر ۆيتسە- پرەمەرى قۇرىلىس كومپانيالارىن مەملەكەتتىك قاراجاتتى بارىنشا ۇنەمدەۋگە شاقىردى.
