تالدىقورعان اكىمدىگى ازاماتتاردان باعالاردىڭ ءوسۋى تۋرالى حابارلامالاردى الەۋمەتتىك جەلىلەر ارقىلى قابىلداي باستادى

تالدىقورعان. قازاقپارات - تاۋارلار مەن قىزمەت كورسەتۋلەر نارىعىندا باعالاردىڭ ورىنسىز كوتەرىلۋىنە جول بەرمەۋ ماقساتىندا تالدىقورعان قالاسىنىڭ اكىمدىگى جوسپارعا سايكەس ءبىرقاتار كەشەندى شارالار وتكىزۋدە.
None
None

الەۋمەتتىك- ماڭىزدى تاۋارلاردىڭ 33 ءتۇرى بويىنشا باعالاردىڭ كۇن سايىنعى مونيتورينگىنە ەرەكشە كوڭىل اۋدارىلىپ جاتىر. بۇل ءۇشىن جەدەل شتابتىڭ جانىندا تالدىقورعان قالاسى بويىنشا ءتيىستى ۋچاسكەلەر سانىنا بولىنگەن 16 جۇمىس توبى قۇرىلعان، دەلىنگەن قالالىق اكىمدىكتىڭ تاراتقان حابارلاماسىندا.

تالدىقورعان قالاسى اكىمىنىڭ باسپا ءسوز حاتشىسى عالىمۇرات جۇكەلدىڭ تۇسىندىرۋىنشە، جۇمىس توبىنىڭ نەگىزگى مىندەتتەرىنە ازىق- تۇلىك، تۇرمىستىق تەحنيكا، ج ج م، ۆاليۋتا باعامدارى، ءدارى- دارمەكتەر جانە كەڭسە تاۋارلارى باعالارىنىڭ مونيتورينگى كىرەدى.

بۇدان باسقا، قالا تۇرعىندارىنىڭ وزدەرى باعالاردىڭ ورىنسىز ءوسۋى تۋرالى اقپاراتتى «جەدەل جەلىنىڭ» 272266 جانە 270241 نومىرلەرى بويىنشا حابارلاي الادى. ءوز كەزەگىندە الەۋمەتتىك جەلىلەردىڭ پايدالانۋشىلارى دا وسىنداي پروبلەمالار تۋرالى تالدىقورعان قالاسى اكىمدىگىنىڭ «فەيسبۋك» (https://www.facebook.com/TLD7282) جانە «ۆكونتاكتە» (http://vk.com/akimat7282) الەۋمەتتىك جەلىلەرىندەگى رەسمي پاراقشاسىندا حابارلاۋ مۇمكىندىگىنە يە.

بۇدان باسقا، بارلىق حابارلامالاردى WhatsApp جەلىسى ارقىلى 77078780406+ نومىرىنە جولداۋعا بولادى.

سوڭعى جاڭالىقتار