فرانسيا جاڭا لاڭكەستىككە ءازىر بولۋى ءتيىس - فرانسيا پرەزيدەنتى ف. وللاند

بريۋسسەل. قازاقپارات - فرانسيا تەرورشىلاردىڭ جاڭا شابۋىلىنا ءازىر بولۋى ءتيىس.
None
None

بۇل تۋرالى سەيسەنبى ەليسەي سارايىندا فرانسۋز ەلشىلەرىمەن كەزدەسۋ بارىسىندا ەل پرەزيدەنتى فرانسۋا وللاند مالىمدەدى.

«وتكەندەگى لاڭكەستىك - شابۋىلعا ءازىر وتىرۋىمىزعا دالەل بولدى، سوندىقتان دا ءبىز ءوزىمىزدى قورعاۋىمىز قاجەت»، - دەدى وللاند، امستەردام- پاريج پويىزىندا ورىن العان لاڭكەستىكتى ەسكە ءتۇسىرىپ.

ديپلوماتيالىق ميسسيا باسشىلارىمەن اڭگىمەلەسكەن فرانتسيا پرەزيدەنتى ەل ازاماتتارىن قورعاۋ ماقساتىندا، يراك پەن سيريادان ەۋروپاعا كەلەتىن سودىرلار اعىنىن توقتاتۋ ءۇشىن شەكارادا پارمەندى شارالار قابىلداۋ قاجەت ەكەنىن باسا ايتتى.

«ءبىز شابۋىلداردىڭ ءجيى قۇربانى بولىپ ءجۇرمىز، جۇماداعى وقيعا ۇلكەن تراگەدياعا اينالۋى مۇمكىن ەدى»، - دەپ اتاپ ءوتتى فرانسۋز ەلىنىڭ باسشىسى.

ەسكە سالساق، وتكەن جۇمادا كالاشنيكوۆ اۆتوماتىمەن، تاپانشا، پىشاقپەن قارۋلانعان 26 جاستاعى ەر ادام ايۋب ال- كاززان امسترەدامنان پاريجگە بەت العان جۇردەك پويىز جولاۋشىلارىن وقتىڭ استىنا الدى. قاسكۇندەمدى جولاۋشىلار ۇستاپ، پوليتسيا قولىنا تاپسىرعان.

سوڭعى جاڭالىقتار