استانا اكىمدىگى باعالاردى رەتتەۋ ماسەلەسىن ءجىتى قاداعالاۋدا

ەلىمىزدەگى تەڭگە كۋرسىنىڭ ەركىن ايىرباس باعامىنا كوشىرىلگەنىنە قاراماستان، ەلورداداعى ازىق- تۇلىك جانە وزگە دە ماڭىزدى تاۋارلار باعاسى وزگەرىسسىز قالدى.
ق ر ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتىنىڭ باسشىسى مارات ءمۇستافيننىڭ ايتۋىنشا، قازىرگى ۋاقىتتا استانا قالاسىنىڭ اكىمدىگى مەن اتالمىش دەپارتامەنت كاسىپكەرلەر پالاتاسىمەن بىرىگىپ تۇراقتى تۇردە باعا مونيتورينگىن جۇرگىزۋدە. سونداي- اق، استانا قالاسى اكىمىنىڭ ورىنباسارى اندرەي لۋكيننىڭ باسشىلىمەن باعانىڭ ءجون- جوسىقسىز وسۋىنە جول بەرمەيتىن ارنايى شتاب قۇرىلعان بولاتىن.
ەلوردا اكىمدىگى ازىق- تۇلىك ونىمدەرىنە عانا ەمەس، سونىمەن قاتار، ومىرلىك ماڭىزى بار مەديتسينالىق ءدارى- دارمەك باعالارىنىڭ ءوسۋىن دە مۇقيات قاداعالاۋدا.
اتاپ ءوتۋ كەرەك، كەشە قالا اكىمدىگىندە «دارىلىك پرەپاراتتار باعالارىنىڭ وسۋىنە جول بەرمەۋ تۋرالى» مەموراندۋمعا قول قويىلعان بولاتىن. سونىڭ ناتيجەسىندە، قالا ءدارىحانالارىندا 200 جۋىق ماڭىزدى ءدارى- دارمەكتەردىڭ ءتىزىمى مەن باعاسى جازىلعان ارنايى پاراقتار ىلىنەدى.