شىعىس قازاقستاندا ايۋ جيدەك تەرۋگە كەتكەن زەينەتكەردى جارىپ ءولتىردى

استانا. قازاقپارات - شىعىس قازاقستان وبلىسىنداعى مەدۆەدكا اۋىلىنىڭ 65 جاستاعى تۇرعىنىن ايۋ جارىپ ءولتىردى، - دەپ حابارلايدى YK-news.kz.
None
None

بىرنەشە كۇن بۇرىن جوعالىپ كەتكەن ەر ادامنىڭ دەنەسىن شەمونايحينسكي اۋداندىق ءى ءى ب قىزمەتكەرلەرى تاۋىپ الدى. جەرگىلىكتى تۇرعىنداردىڭ ايتۋىنشا، ايۋ ولگەن قونجىعىنىڭ كەگىن الۋ ءۇشىن ادامعا شابۋىلداعان بولۋى مۇمكىن.

باسىلىمنىڭ مالىمەتىنشە، 19 -تامىزدا مەدۆەدكا اۋىلىنىڭ 65 جاستاعى تۇرعىنى اۋىلدان 10-15 شاقىرىم قاشىقتىقتاعى ورمانعا جيدەك تەرۋگە كەتكەن. دەگەنمەن ول ۇيىنە ورالمادى. وسىدان كەيىن تۋىستارى ءتيىستى ورگاندارعا حابار بەرگەن.

«ىزدەۋگە 15 ادام قاتىستى. بارلىق جەردى قارادىق. كەشكە قاراي ورماننان قاننىڭ ءىزى ارقىلى تاۋىپ الدىق»، - دەدى شەمونايحينسكي اۋداندىق ءى ءى ب قىلمىستىق پوليتسيا باسشىسى سەرىك ورازوۆ.

«اڭشىلار ايۋدىڭ تىرناعىنىڭ جاراقاتىنان بولعان قاننىڭ ءىزىن تەز تانىدى. جەرگىلىكتى تۇرعىندار جاقىن ارادا عانا جۇك كولىگىنىڭ قونجىقتى باسىپ كەتكەنىن ەسكە الدى. ايۋ سول ءۇشىن كەك العان بولۋى مۇمكىن»، - دەدى ول.

سوڭعى جاڭالىقتار