حان ورداسىندا «تاريحى تەرەڭ قازاق ەلى» اتتى رەسپۋبليكالىق اقىندار ايتىسى وتۋدە

ورال. قازاقپارات - بۇگىن بوكەي ورداسى اۋدانى تاريحي حان ورداسى اۋىلىندا «تاريحى تەرەڭ قازاق ەلى» اتتى رەسپۋبليكالىق اقىندار ايتىسى وتۋدە.

ەكى اينالىمنان تۇراتىن جىر بايگەسىنە ەلىمىزدىڭ وبلىستارى مەن قالالارىنان بارلىعى جيىرما اقىن قاتىسىپ، باق سىناۋدا. ازىرگە استانالىق اسەم ەرەجە قىزى، باتىسقازاقستاندىقتار مۇرادىم ميرلانوۆ، باۋىرجان شيرمەدين ۇلى، ەلدار يحسانوۆتار ءساتتى ونەر كورسەتۋدە. ايتىسقا اتاقتى ونەر مايتالمانى ءاسانالى ءاشىموۆ باستاعان قازىلار القاسى تورەلىك ەتۋدە. باس جۇلدە - 1,5 ميلليون تەڭگە.

ايتىستى جۇرگىزۋشى، بەلگىلى اقىن، قازاقستاننىڭ ەڭبەك سىڭىرگەن قايراتكەرى، مۇقاعالي ماقاتايەۆ اتىنداعى سىيلىقتىڭ لاۋرەاتى ءجۇرسىن ەرماننىڭ ايتۋىنشا، ەلباسى جارلىعىنا سايكەس قازاق حاندىعىنىڭ 550  جىلدىعىنا وراي رەسپۋبليكانىڭ تۇكپىر- تۇكپىرىندە «نۇر وتان» پارتياسىنىڭ باستاماسىمەن ايتىس وتۋدە. سونىڭ ءبىرى - حان ورداسىنداعى اقىندار سايىسى ب ق و اكىمدىگىنىڭ قولداۋىمەن ۇيىمداستىرىلىپ وتىر. الامان بايگە الداعى قازان ايىندا جامبىل وبلىسىندا جانىبەك پەن كەرەي حاننىڭ تۋ تىككەن جەرى قوزىباستا بولماقشى.

جاڭگىر حان ىرگەسىن قالاعان حان ورداسىنداعى ايتىس بۇگىن مارەگە جەتەدى.

 

اۆتور: ەلجان ەرالى