ەندى شەتەلدىك ءسۇت ونىمدەرىنە قاراعاندا، قازاقستاندىق ءسۇت وندىرۋشىلەردىڭ تاۋارلارىنا سۇرانىس ارتادى

استانا. قازاقپارات - تەڭگەنىڭ ەركىن باعامى قازاقستاندىق ءسۇت وندىرۋشىلەرگە وڭ اسەر ەتەدى.
None
None

بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا قازاقستاننىڭ ەت- ءسۇت وداعىنىڭ اتقارۋشى ديرەكتورى سانسىزباي ومىربەكوۆ وسىلاي ءمالىم ەتتى.

«تەڭگەنىڭ ەركىن باعامى ەش قوسپاسىز تازا ءسۇت وندىرۋشىلەرگە كومەكتەسەتىنىنە سەنىمدىمىن. ياعني ءبىز رەسەي باعاسىمەن ءبىرشاما تەڭەلىپ، يمپورت ەندى سونشالىقتى ارزان بولمايدى. نەگىزىنەن بىزگە تازا ءسۇت جەتكىزىلمەگەن ەدى. اتاپ ايتقاندا، ەلىمىزگە ۇنتاق كۇيىندە جەتكىزىپ، وسىندا ونى وڭدەپ، قالالاردىڭ ساۋدا ورىندارىنا ۇسىنىپ وتىردى»، - دەدى ول.

س. ومىربەكوۆتىڭ سوزىنە قاراعاندا، سوڭعى كەزدەرى قازاقستاندىق ءسۇت شارۋاشىلىقتارى قيىن جاعدايعا تاپ بولدى. 2014 -جىلى ءسۇتتىڭ ساتىپ الۋ باعاسى 115 تەڭگە بولسا، رەسەيلىك رۋبلدىڭ باعامى تومەندەگەننەن كەيىن ءسۇت باعاسى 70 تەڭگەگە دەيىن ارزاندادى، ياعني 40 پايىزعا جۋىق تومەندەدى. سونىمەن بىرگە ۇنتاقتان قايتا وڭدەلگەن ءسۇتتىڭ ليترىنىڭ باعاسى ءسۇت زاۋىتتارىنا 50-60 تەڭگەدەن تيەسىلى بولدى.

وسى ورايدا ول ارزان يمپورتتىق سۇتتەردىڭ نارىققا كەلۋى ناتيجەسىندە 1000-1200 سيىرى بار ءسۇت شارۋاشىلىقتارىنىڭ شىعىنى كۇنىنە ميلليون تەڭگەگە دەيىن جەتكەندىگىن اتاپ ءوتتى. كوپتەگەن كاسىپورىندار تەك نەسيلەرىن تولەۋگە عانا شاماسى جەتكەندىكتەن، شارۋاشىلىقتارىن كەڭەيتە الماي ءجۇرىپ قالدى.

اۆتور: رۋسلان عابباسوۆ

سوڭعى جاڭالىقتار