تەڭگەنىڭ ەركىن اينالىمى كوپ ۇزاماي ءوز جەمىسىن بەرەدى - جاپونيا ەكونوميكالىق ورتالىعىنىڭ باس ساراپشىسى

استانا. قازاقپارات - الەم ساراپشىلارىنىڭ قازاقستانعا قاتىستى پىكىرلەرى كوڭىلگە سەنىم ۇيالاتادى.
None
None

تەڭگەنىڭ ەركىن باعامى سىرتقى ساۋدا- ساتتىقتى كەڭەيتە تۇسەدى.

بۇل دەۆالۆاتسيانىڭ سالقىنىن 3 جىل بۇرىن سەزىپ، وڭالىپ ۇلگەرگەن جاپون ساراپشىلارىنىڭ پىكىرى. كۇنشىعىس ەلىنىڭ يەنى 2012 -جىلى قۇلدىراپ، 2 جارىم جىل وتكەندە تاعى 50 پايىزعا قۇنسىزدانىپ كەتكەن ەدى. ال بۇگىندە ەكونوميكالىق زەرتتەۋلەر ينستيتۋتىنىڭ ماماندارى بۇل سىرتقى ساۋدادان تۇسكەن تابىستى ارتتىرۋعا كومەكتەستى دەپ وتىر. ەلدەگى ەكونوميكالىق زەرتتەۋلەر ورتالىعىنىڭ باس ساراپشىسى اتسۋشي تاكەۋچي: «دوللارمەن جۇرەتىن ساۋدانىڭ ءتۇسىمى ەداۋىر ءوستى. ونى يەنگە اۋىستىرعان كەزدە ايىرماشىلىق انىق بايقالادى. بۇل يندۋسترياداعى كەز كەلگەن سالاعا، كولىك، تەحنيكا، قاراپايىم قۇرىلعى ءوندىرۋ كاسىپورىندارىنا پايدا اكەلدى»، -  دەگەندى العا تارتادى. قازاقستاننىڭ تەڭگەنى ەركىن اينالىمعا جىبەرۋى كوپ ۇزاماي ءوز جەمىسىن بەرەتىنىن ايتادى.

اتسۋشي تاكەۋچي، جاپونيا ەكونوميكالىق زەرتتەۋلەر ورتالىعىنىڭ باس ساراپشىسى:

- وتكەن اپتادا قازاقستان تەڭگەسىن ءوز ىرقىنا جىبەردى. قىسقا مەرزىمدى ەسەپتەسەك، بۇل جاعىمسىز قۇبىلىس كورىنۋى مۇمكىن. الايدا الىستى بارلايتىن بولساڭىزدار، بۇل شارا ەلدىڭ ۆاليۋتاسىن كەرىسىنشە كۇشەيتىپ، ساۋدانى نىعايتادى.

khabar.kz

سوڭعى جاڭالىقتار