15:33, 26 - تامىز 2015 | GMT +5
قىتايدىڭ بيرجا ساۋداسى تاعى قۇلدىرادى
استانا. قازاقپارات - الەمدىك قور نارىعى تاعى قۇلدىرادى.

بۇگىن شاڭحاي قور نارىعى 6 پايىزعا تومەندەگەن. وسىلايشا، دۇيسەنبىلىك دۇربەلەڭ جالعاسىن تاپتى.
كەشە قىتاي بيرجالارى سوڭعى 8 جىلدا ەڭ تومەنگى كورسەتكىشتى كورسەتكەن بولاتىن. سونىڭ كەسىرىنەن ەۋروپا مەن ا ق ش- تىڭ نەگىزگى قور يندەكستەرى 5 تەن %10 عا دەيىنگى كەرى كەتتى. ونىمەن قويماي، الەمدەگى جەتەكشى كومپانيالار دا تابىسىنان ايىرىلىپ جاتىر. ول ازداي، شيكىزات وندىرۋشىلەردىڭ اكسيالارى دا قۇلديلاي جونەلدى.
ءسويتىپ، مۇناي باعاسى سوڭعى 6 جىل بۇرىنعى ەڭ تومەنگى باعامىنا قايتا ءتۇستى. بۇدان باسقا دا كوپتەگەن الەمدىك ۆاليۋتالار قۇنسىزدانعان. ءبىراق ساراپشىلار جاعداي جاقىن ارادا قالپىنا تۇسەدى دەپ سەندىرەدى.
www.24.kz