جەتىم بالالاردى باسپانامەن قامتۋدا شىعىس قازاقستاننىڭ تاجىريبەسىن ۇيرەنگەنىمىز ءجون- ب. ساپاربايەۆ

استانا. قازاقپارات - بۇگىن ءبىلىم بەرۋ جۇيەسى قىزمەتكەرلەرىنىڭ رەسپۋبليكالىق تامىز كەڭەسىندە ق ر پرەمەر-ءمينيسترىنىڭ ورىنباسارى بەردىبەك ساپاربايەۆ مەكتەپ جاسىنداعى جەتىم بالالاردى بولاشاقتا باسپانامەن قامتۋ جايىنا نازار اۋدارتتى.
None
None

«ءبىلىم بەرۋ جۇيەسىندەگى تاعى ءبىر ماسەلە - جەتىمدەردىڭ جاعدايى. شىندىقتى مويىندايىق، ەلىمىزدە جەتىمدەردىڭ ازايماي وتىرعانىنا كوبىنەسە كىنالى - ۇلكەندەر. سوندىقتان، ولارعا ۇنەمى قولداۋ كورسەتىپ، كومەكتەسۋ - ءبىزدىڭ پارىزىمىز. مەن شىعىس قازاقستان وبلىسىندا اكىم بولىپ تۇرعان ۋاقىتتا جاقسى ءبىر باستاما بولدى.

«مەيىرىم» دەگەن اكسيا اياسىندا ءبىز «بالانى اسىراپ الۋشى - جەتىم بالا - «تۇرعىن ءۇي جيناق بانكى» دەگەن كەستەمەن 1 ميلليون تەڭگەدەن باستالاتىن جيناق كەلىسىمشارتىن جاسايتىنبىز. سوعان سايكەس، جەتىم بالا وقۋ بىتىرگەن كەزدە باسپانالى بولا الاتىن. سونىمەن قاتار، ۇكىمەت «قولجەتىمدى باسپانا» باعدارلاماسى بويىنشا جەتىم بالالارعا ارنايى ءۇي سالۋ تۋرالى شەشىم قابىلدادى»، - دەگەن ب. ساپاربايەۆ شىعىس قازاقستان وبلىسىنداعى تاعى ءبىر يگى باستامانى مىسالعا الدى.

«مەنى ماقتانىپ تۇر دەپ ويلاماڭىزدار، ءبىراق ءبىز شىعىس قازاقستان وبلىسىنىڭ تاجىريبەسىن ۇيرەنۋىمىز كەرەك. ءبىز وبلىستا ءاربىر جەتىم بالا ءۇشىن ءبىز ءبىر ادامدى جاۋاپتى ەتىپ قوياتىنبىز. وعان ماتەريالدىق كومەك بەرۋ ءۇشىن ەمەس، ول بالا وتباسى جىلۋىن سەزىنىپ، تاربيە الۋى ءۇشىن. سوندىقتان، وسى ماسەلەنى قولعا الۋ كەرەك»، - دەي كەلە ب. ساپاربايەۆ ب ع م ىشىندەگى بالا قۇقىعىن قورعاۋ كوميتەتىنىڭ جۇمىسىن پىسىقتاۋ كەرەك دەپ تاپسىرما بەردى.

اۆتور: كەنجەكەي توقتامۇرات قىزى

سوڭعى جاڭالىقتار