ب. ساپاربايەۆ ەش جەردە ەسەپ بەرمەيتىن رەكتورلاردى سىنعا الدى

- دەپ ءمالىم ەتتى بۇگىن ءبىلىم بەرۋ جۇيەسى قىزمەتكەرلەرىنىڭ رەسپۋبليكالىق تامىز كونفەرەنسياسىندا پرەمەر- ءمينيستردىڭ ورىنباسارى بەردىبەك ساپاربايەۆ.
«ەلىمىزدە ۇلتتىق مارتەبەگە يە بولعان جوعارى وقۋ ورىندارىنىڭ الدى 14 جىلدان بەرى جۇمىس ىستەپ كەلەدى. قازىر ولاردىڭ سانى - 9. مەن ءبىلىم جانە عىلىم مينيسترلىگىنەن وسى 14 جىلدا وقۋ ورىندارىنىڭ اتقارعان جۇمىسى قانداي دەپ تالداۋ سۇرادىم. ءبىراق، وسى ۋاقىت ىشىندە ەشنارسە وزگەرمەگەن بولىپ شىقتى. ءتىپتى كەيبىر ۇلتتىق جوعارى وقۋ ورىندارى ءوز كورسەتكىشتەرى بويىنشا ەلدەگى وزگە وقۋ ورىندارىنان اسا الماي جاتىر»، - دەگەن ب. ساپاربايەۆ 14 جىل ىشىندە ۇلتتىق ۋنيۆەرسيتەتتەردى قارجىلاندىرۋ 14 ەسەگە ارتقانىن العا تارتتى.
«وسى 14 جىلدا ۇلتتىق ۋنيۆەرسيتەتتەردى قارجىلاندىرۋ 14 ەسە ءوستى، ال وزگە قارجى كوزدەرىنەن تارتىلعان قاراجات ءۇش ەسەگە عانا ارتقان. ولاردىڭ نەگىزگى مىندەتى جاقسى ماماندار دايىنداۋ، وزگە وقۋ ورىندارىنا ەنگىزۋ ءۇشىن جاڭا وقۋ باعدارلامالارىن ازىرلەۋ، سونىمەن قاتار بيۋدجەتتەن تىس قوسىمشا قارجى تارتۋ. اسلان باكەن ۇلى (اسلان ءسارىنجىپوۆ - ق ر ءبىلىم جانە عىلىم ءمينيسترى) ، وسى ۇلتتىق جوعارى وقۋ ورىندارىنىڭ قىزمەتى باعالانباعان، رەكتورلار ەش جەردە ەسەپ بەرمەيدى. ۇلتتىق وقۋ ورىندارى بولعاندىقتان، ولار قوعام الدىندا ەسەپ بەرۋى ءتيىس»، - دەدى وسى ماسەلەنى قولعا الۋدى تاپسىرا وتىرىپ ب. ساپاربايەۆ.