ءبىلىم مينيسترلىگى مەن جەرگىلىكتى بيلىك اراسىنداعى بايلانىس ناشارلاپ كەتكەن - ب. ساپاربايەۆ

ءبىلىم بەرۋ جۇيەسى قىزمەتكەرلەرىنىڭ رەسپۋبليكالىق تامىز كەڭەسىندە ءسوز العان پرەمەر- ءمينيستردىڭ ورىنباسارى بەردىبەك ساپاربايەۆ وسىلاي ءمالىم ەتتى.
«تاۋەلسىزدىك العان كۇننەن باستاپ مەملەكەت باسشىسى ءبىلىم سالاسىنا ۇلكەن كوڭىل ءبولىپ كەلەدى. ۇلتتىق جوسپاردى جۇزەگە اسىرۋ ءۇشىن، «100 قادام»، يندۋستريالىق- يننوۆاتسيالىق دامۋ، «نۇرلى جول» باعدارلامالارىن جۇزەگە اسىرۋ ءۇشىن مەملەكەت باسشىسى ءبىلىم سالاسىنا كوپ تاپسىرما جۇكتەدى. ءبىزدىڭ ەندىگى مىندەتىمىز - وسى بەرىلگەن تاپسىرمالاردى ورىنداۋ. قانشا دەگەنمەن، ادام ءوزىنىڭ ازامات بولىپ قالىپتاسۋىن مەكتەپتەن باستايدى. سول ازاماتتارعا ءبىلىم مەن تاربيە بەرەتىن ۇستازدار. سوندىقتان، قازاقستان ۇكىمەتى اتىنان ۇلاعاتتى قىزمەتتەرىڭىز ءۇشىن ۇلكەن راحمەت»، - دەدى ۇكىمەت باسشىسىنىڭ ورىنباسارى.
ب. ساپاربايەۆتىڭ ايتۋىنشا، ءبىلىم سالاسىنىڭ ساپالى دامۋى - جوعارى بيلىك پەن جەرگىلىكتى بيلىك اراسىندا تىعىز قارىم- قاتىناس ورناسا عانا مۇمكىن بولاتىن ناتيجە.
«قازىرگى نەگىزگى ماسەلە - مەملەكەتتىك ورگاندار، قوعامدىق ۇيىمداردىڭ، اتا- انالاردىڭ، ءبىلىم وشاقتارىنىڭ بىرىگىپ جۇمىس ىستەۋىنە كوڭىل ءبولۋ. وكىنىشكە وراي، قازىر بايقايتىنىمىز - مينيسترلىك (ءبىلىم مينيسترلىگى - اگەنتتىك) پەن جەرگىلىكتى بيلىك وكىلدەرىنىڭ اراسىنداعى بايلانىس ناشارلاپ كەتكەن. بارلىعىمىز جاقسى تۇسىنەمىز، نەگىزگى ءبىلىم وشاقتارى، ءبىلىمدى بالالار اۋىلدىق جەرلەردە، ەلدى مەكەندەردە تۇرادى. ەگەر وسى ەكى بۋىن بىرىگىپ جۇمىس ىستەسە عانا ءبىر ناتيجەگە جەتۋگە بولادى»، - دەدى پرەمەر- ءمينيستردىڭ ورىنباسارى.
اۆتور: كەنجەكەي توقتامۇرات قىزى