الەمدە تەك ەكى ءتۇرلى ادام بار

استانا.قازاقپارات - الەمدە تەك ەكى ءتۇرلى ادام بار دەگەنگە سەنەسىز بە؟ بۇل ارادا فيلوسوفتار كەرەعار پىكىر كەلتىرسە، الەۋمەتتانۋشىلاردىڭ كوبى كەلىسەر ەدى. ول ەكى تيپكە كىمدەر جاتادى؟
None
None

 ءبىرىنشى تيپ - بۇگىنىمەن ءومىر سۇرەتىن ادام

جاڭا زامان اعىمىنا ساي ءومىر سۇرۋگە تىرىساتىن ادام بارشىلىق. ولار ادەتتە سانالى تۇردە «وسپەگەن» ادامدار. اقشا شاشۋ، تۇنگى كلۋب ارالاۋمەن جىلدار وتكىزەتىن قىز- جىگىتتەر قازىر كوپ ەكەنى راس. تۇسكى استىڭ ۋاقىتىندا قالانىڭ ءبىر اسەم جەرىندە كوفە ءىشىپ وتىرىپ، قانداي اڭگىمەنى ءجيى ەستيسىز؟ جاس قىزدار توپتاسىپ، ءوزىنىڭ جىگىتتەرى، كۇيەۋلەرىن اۋزىنان تاستامايدى. ءبىرى جامانداپ جاتسا، ەكىنشىسى اسىرا ماقتاپ جاتادى. ەكەۋىنىڭ دە سوزدەرى جات قۇلاققا ەرسى ەستىلەدى. ال جىگىتتەر كەشەگى قىزدىڭ الدىڭعىسىنان قاي جەرى كەم ەكەنىن تالقىلاپ وتىرادى. ءبىرى ءتىپتى كۇنىنە بىرنەشە قىزبەن كەزدەسىپ ۇلگەرەتىنىن ايتىپ، ءماز بولادى. مۇنى ەستىپ، كەز كەلگەن ادامنىڭ تابەتى قاشىپ كەتەتىنى ءسوزسىز. بۇلار - جاڭا زاماننىڭ اناسى مەن اكەسى.

ەكىنشى تيپ - ءومىردىڭ ماڭىزدى ساتتەرىن باعالايتىن ادام

ادامعا باقىتتى بولۋى ءۇشىن نە كەرەك؟ اقشا ما؟ ولاي بولسا، كەشە بولعان جايتتى ەسىڭىزگە ءتۇسىرىڭىز. كەز كەلگەن ۋاقىتتا تاباتىن اقشاڭىز قۇنسىزدانۋى مۇمكىن. كەز كەلگەن ساتتە جيناعان اقشاڭىز جارامسىز بولىپ قالۋى مۇمكىن. ارينە، مۇنداي جاعدايدىڭ بولماعانى يگى. دەگەنمەن، اقشانى ءبىرىنشى ورىنعا قويماعانىڭىز ءجون. ەكىنشى ءتيپتى ادامدار ومىردەگى ەڭ ماڭىزدى - ادامنىڭ ادامعا دەگەن قارىم- قاتىناسى ەكەنىن تۇسىنەدى. كۇندە كەزدەسەتىن قىز- جىگىتتى ەمەس، ءوزىن تۇسىنەتىن، سۇيەتىن جانە سىيلايتىن جاندى ويلايدى. سونىڭ كوڭىلىن تابۋعا بارىن سالادى. ماحابباتقا ماحابباتپەن جاۋاپ بەرۋگە تىرىسادى. بولاشاعىن جارقىن ەتۋ ءۇشىن ءوز جانۇياسىن قۇرىپ، باقىتتى ەتۋ كەرەكتىگىن ماقسات ەتەدى.

قارجى مەن دۇنيەگە ۇمتىلعان ادام اقشانىڭ كۋرسى سەكىلدى بىردە قۇلاپ، بىردە كوتەرىلىپ وتىرادى. ال وتباسىلىق باقىتقا ۇمتىلعان ادام تۇراقتىلىققا جەتەدى. ءومىردىڭ راحاتىن دا، قىزىعىن دا، قيىندىقتارىن دا ءوز جارىمەن بىرگە كورىپ، كوتەرەدى.

ءسىز شىن مانىندە دۇرىس باعىتتا كەلە جاتىرسىز با؟

 massaget.kz

سوڭعى جاڭالىقتار