تۇتىنۋشىلار قۇبىلمالى كەزەڭدى پايدالانىپ، بۇكىل تەحنيكانى ساتىپ الۋدا

قازىر دۇكەندەردە ەڭ قىمبات دەگەن توڭازىتقىشتار، تەلەديدار مەن كومپيۋتەرلەردى تالاپ اكەتۋدە. ءتىپتى، كوپ وتپەيتىن قىمبات باعالى تەلەفونداردىڭ دا ساۋداسى قىزعان.
كۇنى كەشە عانا سورەلەردە سامساپ تۇراتىن مىنا تەحنيكالاردىڭ ءدال قازىر وتىمدىلىگى ارتقان. سوندىقتان باعاسىنىڭ قىمباتتىعىنا قاراماستان، جۇرت جاپاتارماعاي قالتاسى كوتەرگەن تەحنيكانى ساتىپ الىپ جاتىر.
ءبىراق شەتەلدەن كەلەتىن ءتۇرلى قوندىرعىلارى دوللارمەن ەسەپتەلىنەتىندىكتەن، ساۋدا جەلىلەرى الدا باعا قالاي وزگەرەتىنىن تاپ باسىپ ايتا المايدى. باعانى كوتەرەيىن دەسە، ءبىر جاعىنان تۇتىنۋشىنى دا جوعالتپاۋ كەرەك.
باعاسىنىڭ قىمباتتىعىنا قاراماستان، جۇرت جاپاتارماعاي قالتاسى كوتەرگەن تەحنيكانى ساتىپ الىپ جاتىر.
«كومپانيامىز شەتەلدىك ارىپتەستەرىمەن تىكەلەي كەلىسىم- شارت جاساسقاندىقتان، سولاردىڭ ۇسىناتىن باعاسىنا تاۋەلدىمىز. سوندىقتان، قالاساق تا، قالاماساق تا، تەڭگە قۇنىنىڭ تاۋار باعاسىنا اسەرى بولاتىنى ءسوزسىز. ءبىراق قازىر اسىعىس شەشىم قابىلداماي، تەك تۇتىنۋشىلارىمىزدىڭ سۇرانىسىن قاناعاتتاندىرىپ وتىرمىز، - دەيدى ساۋدا جەلىسىنىڭ باس ديرەكتورى دەنيس سميرنوۆ.
تەڭگەنىڭ اياقاستى قۇلدىراۋىنان كەيىن ءبىرقاتار وڭىرلەردە قاراپايىم ازىق- تۇلىك باعاسىنىڭ وزگەرگەنى بايقالعان. ماسەلەن، اقتوبە وبلىسىندا وسىدان ءبىر كۇن بۇرىن كوتەرمە ساۋدادا كەلىسى 140 تەڭگە تۇراتىن شەكەر، قازىر 152 تەڭگەگە جەتكەن.
ال بازار مەن دۇكەندەردە وعان 20-30 تەڭگە قوسىپ ساتىپ جاتىر. سونداي- اق، تۇرمىستىق تەحنيكا قۇنى 40 پايىزعا قىمباتتادى. وسى وڭىردەگى باعانى رەتتەۋگە بايلانىستى قۇرىلعان شتاب وكىلدەرى مۇنى زاڭسىزدىق دەيدى.
اقتوبە وبلىسىندا وسىدان ءبىر كۇن بۇرىن كوتەرمە ساۋدادا كەلىسى 140 تەڭگە تۇراتىن شەكەر، قازىر 152 تەڭگەگە جەتكەن.
"بۇل بويىنشا جەدەل تۇردە مونوپولياعا قارسى اگەنتتىككە حابارلاما جاسالدى. بۇل جونىندە جۇمىستار جۇرگىزىلۋدە. تاسۋشىلار نەمەسە وڭدىرۋشىلەر جوعارى باعامەن شىعاراتىن بولسا بۇل جونىندە ءتيىستى زەرتتەۋ جۇرگىزىلىپ ءتيىستى مەملەكەتتىك ورىندارعا حابارلاما بەرىلۋدە"، - دەيدى اقتوبە قالالىق كاسىپكەرلىك ءبولىمىنىڭ باسشىسى انار دارجانوۆا.
سونداي- اق، پاۆلوداردا قانت، جۇمىرتقا، تاۋىق ەتى قىمباتتاسا، قوستانايدا قۇندىز جاعالى توندار، وسكەمەندە ءدارى- دارمەك باعاسى ازداپ كوتەرىلگەن. بۇل تۇرعىدا ەكونوميست- ساراپشىلار دا جاعىمدى پىكىر ايتا الماي وتىر.
"دۇرىس بولجام ايتۋ ءۇشىن ەڭ بولماسا توعىز ايلىق باعا يندەكستەرتەرىن قاراۋ كەرەك. مۇنىڭ الدىندا حالىقتا كىرىس كولەمى ازايىپ، باعا ءبىراز تۇراقتالعان بولاتىن. ال قازىرگى جاعدايدى ەسكەرسەك، ءبىرىنشى كەزەكتەگى تۇتىنۋ تاۋارلارى جۋىق ارادا قىمباتتايتىن بولادى"، - دەيدى ساراپشى جاراس احمەتوۆ.
وسىلايشا، ەلدەگى باعا دۇربەلەڭىنىڭ قاشان باسىلارى دا بەلگىسىز. ايتەۋىر، تەڭگە باعامى تۇراقتامايىنشا، حالىقتىڭ ءبىراز الدامشى باعالارمەن ساۋدا جاساۋىنا تۋرا كەلەتىنى ءسوزسىز.