09:44, 25 - تامىز 2015 | GMT +5
ا ق ش قاتىناستى جاقسارتۋعا نيەتتى - رەسەي سىرتقى ىستەر ءمينيسترى
استانا. قازاقپارات - رەسەي سىرتقى ىستەر ءمينيسترى سەرگەي لاۆروۆ ا ق ش ماسكەۋمەن قارىم- قاتىناسىن «جاقسارتقىسى كەلەتىنى» تۋرالى بەلگى بەرە باستادى دەپ مالىمدەدى.

ماسكەۋ ۋكراينانىڭ قىرىم تۇبەگىن اننەكسيالاپ، ۋكراينا شىعىسىنداعى قاقتىعىسقا ارالاسا باستاعاننان كەيىن رەسەي مەن باتىس ەلدەرىنىڭ قارىم- قاتىناسى قىرعي- قاباق سوعىس كەزەڭىنەن بەرى بولماعان دەڭگەيدە ناشارلاپ كەتكەن.
24 - تامىزدا ماسكەۋ ماڭىندا جاستارمەن كەزدەسكەن لاۆروۆ رەسەي قارىم- قاتىناستى جاقسارتۋدى «ءوزى تىلەنبەسە دە»، «ديالوگ ورناتۋعا اشىق» ەكەنىن ايتتى.
«ەگەر امەريكالىق سەرىكتەرىمىز وزدەرى توقتاتىپ تاستاعان ىنتىماقتاستىق پەن ديالوگ ورناتۋ جولدارىن قايتا قالپىنا كەلتىرۋدى ۇسىنعانداي بولسا، وندا ءبىز وعان كەلىسەمىز» دەدى لاۆروۆ.
«امەريكالىقتار بىزگە بۇعان دەيىن- اق ونداي بايلانىستى قالپىنا كەلتىرۋ جايلى بەلگى بەرگەن. ءبىراق ول يشارالارى ازداپ بۇلىڭعىرلاۋ بولدى» دەدى رەسەي سىرتقى ىستەر ءمينيسترى.
«ازاتتىق» سايتى