08:47, 25 - تامىز 2015 | GMT +5
ەلوردادا بوس ورىندار جارمەڭكەسى وتەدى
استانا. قازاقپارات - ەرتەڭ، 26 - تامىز كۇنى «Astana mall» ويىن- ساۋىق ورتالىعىندا بوس جۇمىس ورىندار جارمەڭكەسىندە ەلوردانىڭ 20 عا جۋىق مەكەمەسى مەن كاسىپورىندارى بوس ورىنداردى ۇسىنادى،

دەپ حابارلادى قالالىق اكىمدىكتىڭ باسپا ءسوز قىزمەتىنەن.
استانا قالاسى جۇمىسپەن قامتۋ ورتالىعىنىڭ حابارلاۋىنشا، تامىزدىڭ 26 - كۇنى وتەتىن كەزەكتى بوس جۇمىس ورىندار جارمەڭكەسىندە قالا تۇرعىندارى ءۇشىن 300 جۋىق قىزمەت ءتۇرى ۇسىنىلادى.
شارا بارىسىندا جۇمىسپەن قامتۋ ورتالىعىنىڭ ماماندارى «جۇمىسپەن قامتۋدىڭ جول كارتاسى - 2020» باعدارلاماسى بويىنشا كەڭەستەر بەرىپ، جاستار تاجىريبەسىنەن ءوتۋ، الەۋمەتتىك بوس جۇمىس ورىندار مەن ەڭبەك اقىسى تولەنەتىن قوعامدىق جۇمىستار تۋرالى باياندايدى.