09:30, 25 - تامىز 2015 | GMT +5
وڭتۇستىك پەن سولتۇستىك كورەي مەملەكەتتەرى بىتىمگە كەلدى
استانا. قازاقپارات - ك ح د ر مەن كورەي رەسپۋبليكاسى وكىلدەرى شەكارالىق ايماقتاعى جاعدايدى رەتتەۋگە باعىتتالعان ءوزارا بىتىمگە كەلدى، دەپ حابارلادى «بي-بي-سي» اگەنتتىگى.

رەنحاپ اگەنتتىگىنىڭ حابارلاۋىنشا، وڭتۇستىك كورەيا سولتۇستىكتىڭ رەجىمىنە قارسى ۇگىت- ناسيحات جۇرگىزگەن داۋىس كۇشەيتكىشتەرىن شەكاراارالىق ايماقتان الىپ كەتەتىن بولدى، ال ك ح د ر وكىلدەرى سونى جويماق بولىپ اتقان راكەتالارى ءۇشىن كەشىرىم سۇرادى. رەسمي اقپارات كەيىنىرەك ەكىجاقتى ورتاق مالىمدەمەدەن كەيىن تاراتىلادى.
پحانمۋندجومدا وتكەن ەكىجاقتى بىتىمگەرشىلىك كەڭەسى ەكى تاۋلىككە سوزىلدى. الايدا، وسى ۋاقىتقا دەيىن بىردەن ءبىر اقپارات «سىرتقا» شىققان جوق.