يران مۇناي ءوندىرۋ كولەمىن ۇلعايتپاق

استانا. قازاقپارات - يراننىڭ مۇناي ءمينيسترى بيدجان نامدار زانگاننىڭ ايتۋىنشا، تەگەران مۇناي ءوندىرۋ كولەمىن قايتكەندە دە ارتتىراتىندىعىن مالىمدەدى.

ونىڭ سوزىنشە، يراننىڭ بۇلاي ىستەمەسكە امالى جوق، ويتكەنى ولار نارىقتاعى ۇلەستەرىنەن ايىرىلىپ قالعالى تۇر.

مينيستر سونىمەن قاتار، و پ ە ك- ءتىڭ شۇعىل ءماجىلىسىن وتكىزۋدى دە قولدايتىندىعىن ءبىلدىردى. ونىڭ پىكىرىنشە، ءماجىلىس مۇناي نارىعىنداعى قۇلدىراۋدى توقتاتۋعا ىقپال ەتە الاتىن ەدى.  

بۇكىل الەمدىك بانكتىڭ شىلدەدەگى بولجامدارى بويىنشا، يراننان تەگەراننىڭ يادرولىق باعدارلاماسى بويىنشا سالىنعان سانكسيالاردى الىپ تاستاۋ ناتيجەسىندە الەمدىك نارىققا اعىلعان مۇناي كولەمى تاۋلىگىنە ءبىر ميلليون باررەلگە جەتەدى. بۇل جاعداي ءوز كەزەگىندە 2016 - جىلى مۇناي باعاسى باررەلىنە 66-56 دوللار بولادى دەگەن بولجامدى وزگەرتەرى ءسوزسىز.   

ال، مۇناي باعاسى بولسا مىنە، 9 ايدان بەرى قۇلدىراۋمەن كەلەدى، جانە وسى كەزدە Brent ماركالى مۇنايدىڭ قۇنى پسيحولوگيالىق جاعىنان ماڭىزدى 45 دوللارداندا تومەندەدى. بۇل  مامانداردىڭ پىكىرلەرىنشە، قىتايداعى بيرجا يندەكستەرىنىڭ تومەندەۋىنە الىپ كەلدى. شاڭحايدىڭ قور بيرجاسى قىتايلىق لاۋازىم يەلەرىنىڭ زەينەتاقى قورلارىن پايدالانۋعا   رۇقسات بەرگەندىگىنە قاراماستان 9 پايىزعا جۋىق شىعىنعا ۇشىرادى.

سونىمەن قاتار، قازىر مۇناي باعاسىنىڭ ءتۇسىپ كەتۋىنە ا ق ش- تاعى قوسىمشا تاعى ەكى مۇناي ءوندىرۋ قوندىرعىسىنىڭ ىسكە قوسىلعاندىعى سەبەپ بولىپ وتىر.   

و پ ە ك بايانداماسىنداعى مالىمەتتەر بويىنشا، مۇناي باعاسىنىڭ قۇلدىراۋىنا قاراماستان، ۇيىمعا مۇشە ەلدەردەگى مۇناي ءوندىرۋ كولەمى سوڭعى ءۇش جىلداعى ەڭ ۇلكەن كورسەتكىشكە 31,5 ميلليون باررەلگە جەتتى، دەپ جازادى Bloomberg.