دزيۋدو: ەلدوس سمەتوۆ - الەم چەمپيونى

استانا. قازاقپارات - بۇگىن استانادا ءوتىپ جاتقان دزيۋدو كۇرەسىنەن الەم چەمپيوناتىندا 60 كەلى سالماقتا جەرلەسىمىز ەلدوس سمەتوۆ قازاقستان قورجىنىنا العاشقى التىندى سالدى. اقتىق سىندا ەلدوس تاعى ءبىر قازاق بالۋانى ر. ىبىرايەۆپەن جولى تۇيىسكەن بولاتىن.

وسىلايشا قازاقستان قوس بىردەي جۇلدە - التىن جانە كۇمىس مەدالدى ەنشىلەدى.

بۇعان دەيىن حابارلاعانىمىزداي، ەلىمىزدە العاش رەت ءوتىپ وتىرعان بايراقتى باسەكەدە 137 مەملەكەتتەن 800 دەن استام سپورتشى كۇش سىناۋدا.

تامىزدىڭ 30 ىنا دەيىن جالعاساتىن دوداعا 1000 عا جۋىق قوناق كەلدى. ولاردىڭ قاتارىندا باپكەرلەر مەن فەدەراتسيا باسشىلارى، سونداي- اق باسقا دا لاۋازىم يەلەرى بار.

جارىس ەرلەر مەن قىزدار اراسىندا 7 سالماق دارەجەسى بويىنشا وتەدى. سونداي- اق، سوڭعى كۇنى كوماندالار ءوزارا سىنعا تۇسەدى. بۇل جارىستا ەل نامىسىن دزيۋدودان الەم چەمپيونى ماكسيم راكوۆ، الەم چەمپيوناتىنىڭ كۇمىس جۇلدەگەرى ازامات مۇقانوۆ، ازيا ويىندارىنىڭ چەمپيونى ەلدوس سمەتوۆ پەن وليمپيادا ويىندارىنا قاتىسقان الەكساندرا پودريادوۆا مەن گۇلجان يسانوۆا سىندى سپورتشىلارىمىز قورعايدى.