قىتاي گەنەرالدارى سالماق تاستادى

"18-19 جاستاعى ساربازدارعا قاراعاندا گەنەرالداردىڭ شاپشاڭدىعى، فيزيكالىق كۇشى تومەن. دەگەنمەن ولار شەرۋ كەزىندە جاقسى كورىنۋ ءۇشىن بارىن سالىپ، قوسىمشا دايىندالىپ ءجۇر"، - دەدى اسكەري قىزمەتكەرلەردى مەرەكەلىك شاراعا دايىنداۋمەن اينالىساتىن كاپيتان فەن كايچۋن (Feng Kaichun) .
باسىلىمنىڭ مالىمەتىنشە، گەنارالداردىڭ كوبى بەس كەلىگە جۋىق سالماق تاستاعان. ولار قاتارداعى جاۋىنگەرلەرمەن بىرگە دايىندالىپ، جاتتىعۋ جاساپ ءجۇر. گەنەرالداردىڭ باسىم بولىگى 55 جاس شاماسىندا.
ايتا كەتەيىك، ەكىنشى دۇنيەجۇزىلىك سوعىستىڭ اياقتالۋىنا 70 جىل تولۋىنا وراي وتكىزىلەتىن شەرۋ 3 - قىركۇيەكتە بەيجىڭ قالاسىنداعى تيانانمەن الاڭىندا بولادى. وعان 12 مىڭ سارباز جانە 50 گە جۋىق گەنەرال قاتىسادى. كورەرمەندەرگە جاۋىنگەرلىك تەحنيكانىڭ 500 ءتۇرى جانە اسكەري ۇشاقتار كورسەتىلەدى.
Tengrinews.kz