سولتۇستىك كورەيا دەسانت فلوتىن وڭتۇستىك كورەياعا بۇردى

10-عا جۋىق سولتۇستىك كورەيالىق دەسانت كەمەلەرى سولتۇستىك پحەنيان پروۆينتسياسىنداعى چولسان اسكەرى بەكەتىنەن شىقتى.
اگەنتتىك ءوزىنىڭ اقپارات كوزىنە سۇيەنە وتىرىپ، دەسانت كەمەلەرىنىڭ شەكارادان سولتۇستىك باعىت بويىنشا 60 كيلومەتر قاشىقتىقتا ورنالاسقان اسكەري- تەڭىز بازاسىنا باعىت العاندىعىن جازادى.
وسىعان دەيىن ك ح د ر- ءدىڭ كورەيامەن شەكارادا ارتيلەريا سانىن ارتتىرىپ، سۇڭگۋىر قايىقتارىنىڭ 70 پايىزىن سەۋلگە قارسى شىعارعاندىعى ايتىلعان.
ەستەرىڭىزگە سالا كەتەيىك، ك ح د ر مەن وڭتۇستىك كورەيا ءبىر- بىرىنە ارتيلەريادان دۇركىن- دۇركىن وق اتتى. سولتۇستىك كورەيا وزىنە قارسى ۇگىت- ناسيحات جۇرگىزگەن وڭتۇستىك كورەيالىق دىبىس كۇشەيتكىشتى اتىپ ءتۇسىردى. وعا جاۋاپ رەتىندە وڭتۇستىك كورەيا 155-ميليمەترلىك ارتيلەريادان وق اتتى.
جۋىردا ەكى ەلدىڭ لاۋازىمدى تۇلعالارى ءبىر- بىرىمەن كەلىسسوزدەر جۇرگىزگەن بولاتىن. ءبىراق، ول ناتيجەسىز بولىپ شىقتى.
«قازاقستان» تەلە ارناسى