استانادا ءبىلىم بەرۋ ۇدەرىسىنە «ماڭگىلىك ەل» قۇندىلىقتارىن ەنگىزۋ تالقىلانۋدا

استانا. قازاقپارات - بۇگىن استانادا ءبىلىم بەرۋ قىزمەتكەرلەرىنىڭ رەسپۋبليكالىق تامىز پەداگوگيكالىق كەڭەسى اياسىندا «100 ناقتى قادام» ۇلت جوسپارى كونتەكسىندە ءبىلىم بەرۋ ۇدەرىسىنە «ماڭگىلىك ەل» قۇندىلىقتارىن ەنگىزۋ» تاقىرىبىندا پانەلدىك سەسسيا وتۋدە.  
None
None

«ماڭگىلىك ەل» يدەياسىنىڭ قۇندىلىقتارىن ورتا ءبىلىم سالاسىنا ەنگىزۋ ماڭىزدىلىعى ەرەكشە. سوندىقتان دا تاجىريبە جولىندا وسىلاردى ەنگىزىپ، ۇشتاستىرىپ جاتقانىمىزعا ءبىراز ۋاقىت بولدى. ەلباسى ءبىلىم مەن تاربيەنى قاتار جۇرگىزۋدى ءجيى ايتىپ وتىرادى. وسى ورايدا بۇگىنگى پانەلدىك سەسسيادا «ماڭگىلىك ەل» يدەياسىن ىسكە اسىرۋ، سونداي- اق قۇندىلىقتاردى تۇلعالىق قاسيەتكە، ءبىلىم الىپ جاتقان بالالاردىڭ تاربيە جۇمىستارىمەن ۇشتاستىرۋ ماسەلەلەرىن تىڭعىلىقتى تالقىلايمىز»، - دەدى ق ر ءبىلىم جانە عىلىم ۆيسە- ءمينيسترى ەسەنعازى يمانعاليەۆ.  

 ەلباسىنىڭ «قازاقستان جول-2050» : ءبىر ماقسات، ءبىر مۇددە، ءبىر بولاشاق» جولداۋىندا ايتىلعان «ماڭگىلىك ەل» ۇلتتىق يدەياسى بالالار مەن جاستاردى جوعارى رۋحاني جانە ازاماتتىق ۇستانىمعا، الەۋمەتتىك جاۋاپكەرشىلىك، قازاقستاندىق قوعام يگىلىگى ءۇشىن ەڭبەك ەتۋ دايىندىعىن، وتانسۇيگىشتىك پەن بىرىگۋ سەزىمىن تاربيەلەۋگە باعىتتالعان.  
 مامانداردىڭ پايىمىنشا، «ماڭگىلىك ەل» جالپى ۇلتتىق يدەياسىن ومىردە ىسكە اسىرۋدىڭ نەگىزى مەكتەپتە قالانۋى ءتيىس.    

 وسى ورايدا سەسسياعا قاتىسۋشىلار ق ر ءبىلىم جانە عىلىم مينيسترلىگىنە، سونداي- اق ى. التىنسارين اتىنداعى ۇلتتىق ءبىلىم اكادەمياسىنا ءبىرقاتار ۇسىنىستار جاسادى. ونىڭ اراسىندا جاس ۇرپاقتى تاربيەلەۋدە «ماڭگىلىك ەل» تاربيە- ءبىلىم بەرۋ ورتالىقتارى مەن «نازاربايەۆ تانۋ» عىلىمي- ءبىلىم بەرۋ ورتالىقتارى جۇمىسىنىڭ تاجىريبەسىن تارتۋ، «ماڭگىلىك ەل» جالپى ۇلتتىق يدەياسى قۇندىلىقتارىن ءبىلىم بەرۋ ۇدەرىسىنە ەنگىزۋ بويىنشا نازاربايەۆ زياتكەرلىك مەكتەپتەرى تاجىريبەسىن كەڭ اۋقىمدا قولدانۋ، ءبىرىڭعاي ءبىلىم بەرۋ جۇيەسى ماقساتىندا جالپى ءبىلىم بەرۋدىڭ وقۋ باعدارلامالارىن جانە «ماڭگىلىك ەل» وتانسۇيگىشتىك جوبالارىن كىرىكتىرۋدى جۇزەگە اسىرۋ جانە باسقا دا ۇسىنىستار قامتىلدى.

اۆتور : رۋسلان عابباسوۆ

سوڭعى جاڭالىقتار