كىرەكەي قونجىقتارىمەن بىرگە ءۇي ماڭىنداعى باسسەينگە سۋعا ءتۇستى - كەسكىن

استانا. قازاقپارات - ا ق ش- تىڭ نيۋ-دجەرسي شتاتىندا روكۆەي قالاشىعىنداعى ۇيلەردىڭ ءبىرىنىڭ ارتقى اۋلاسىنداعى بالالار الاڭىندا كىرەكەي (ۇرعاشى ايۋ) ءوز قونجىقتارىمەن بىرگە «دەمالىس كەشىن» ۇيىمداستىردى.
None
None

18 -تامىزدا بەس قونجىعىن ەرتكەن كىرەكەي اۋلاعا كەلدى، دەيدى ءۇي يەسى. ايۋ باسسەينگە سەكىرىپ، سۋدى راحاتتانا شولپىلداتىپ شومىلا باستاسا، قونجىقتارى جانىندا تومپاڭداپ جۇگىرىپ ءجۇردى. ءبىر- بىرلەرىمەن ويناپ، بالالار اتكەنشەگىن تۇرتپەكتەپ، سىرعاناق تەبۋگە دە ارەكەتتەندى.

قونجىقتار بىرەسە باسسەينگە اناسىنىڭ جانىنا بارسا، بىرەسە ودان قاشىپ كەتەدى.

ءۇي يەسى بۇل وقيعانى قىزىقتاپ قانا قويماي، ايۋدىڭ وتباسىمەن دەمالىسىن بەينە كامەراعا ءتۇسىرىپ الدى.

ابدەن ويناپ ءارى ءبىراز دەمالعان ايۋلار ءبىراز ۋاقىتتان كەيىن قورشاۋدان اسىپ ءتۇسىپ، ورمان جاققا قاراي بەتتەدى.

سوڭعى جاڭالىقتار