قىزىلوردادا ۇزدىك تاۋار وندىرۋشىلەر انىقتالدى - فوتو

پرەزيدەنتتىك «التىن ساپا» سىيلىعى مەن «قازاقستاننىڭ ۇزدىك تاۋارى» بايقاۋىن ۇيىمداستىرىپ، وتكىزۋ بيىلعى جىلدان باستاپ «اتامەكەن» ۇلتتىق كاسىپكەرلەر پالاتاسىنا بەرىلگەن بولاتىن.
بيىلعى جىلى سىر وڭىرىندە وتكىزىلگەن وڭىرلىك بايقاۋعا ايماق كاسىپكەرلىگىنىڭ ءتۇرلى سالاسىنان 25 ءتاۋاروندىرۋشى قاتىستى. وبلىس اكىمىنىڭ ورىنباسارى سەرىك قوجانيازوۆ باستاعان باسشىلار جەرگىلىكتى تاۋاروندىرۋشىلەردىڭ ونىمدەرىنە جوعارى باعاسىن بەردى. بۇل تۋرالى وبلىستىق كاسىپكەرلەر پالاتاسىنىڭ باسپا ءسوز قىزمەتى حابارلادى.
شارادا كاسىپكەرلەر پالاتاسىنىڭ ديرەكتورى رۋسلان دوسماحانوۆ: «قازاقستاننىڭ ۇزدىك تاۋارى» كورمە- بايقاۋى - جاڭا تۇتىنۋشىلاردى تابا وتىرىپ، ىسكەرلىك بايلانىستار ورناتۋعا ارنالعان بىرەگەي شارا بولىپ تابىلادى. بيىلدان باستاپ بايقاۋ ەرەجەسىنە ەنگىزىلگەن وزگەرىستىڭ ناتيجەسىندە جەكە كاسىپكەرلەر دە قاتىسۋ مۇمكىندىگىنە يە بولدى»، - دەي كەلە، وسى جىلى جەكە كاسىپكەرلەردىڭ بەلسەندىلىكپەن قاتىسقاندىعىن جەتكىزدى.
بايقاۋعا قاتىسۋشىلاردىڭ ونىمدەرىمەن تانىسىپ، باعالاۋ جۇمىستارىن جۇرگىزگەن ساراپشىلاردىڭ باعالاۋىمەن تومەندەگى تاۋاروندىرۋشىلەر جەڭىمپاز اتاندى:
«وندىرىستىك ماقساتتاعى ۇزدىك تاۋارلار» اتالىمى بويىنشا: I دارەجەلى ديپلوممەن «قىزىلوردا از توننالىق مۇناي وڭدەۋ زاۋىتى» ج ش س؛ Ⅱ دارەجەلى ديپلوممەن «مير - 2001» ج ش س؛ Ⅲ دارەجەلى ديپلوممەن «شيەلى تاس وڭتۇستىك» ج ش س.
«حالىق تۇتىناتىن ۇزدىك تاۋارلار» اتالىمى بويىنشا: 1- دارەجەلى ديپلوممەن «ۋيۋت» ج ش س؛ Ⅱ دارەجەلى ديپلوممەن «قازاق سوقىرلار قوعامىنىڭ قىزىلوردا وقۋ وندىرىستىك كاسىپورنى» ج ش س؛ Ⅲ دارەجەلى ديپلوممەن ج ك «مۇراگەر».
«ۇزدىك ازىق- تۇلىك تاۋارلارى» اتالىمى بويىنشا: I دارەجەلى ديپلوممەن «ارال تۇز» ا ق؛ Ⅱ دارەجەلى ديپلوممەن «براۋنيس» ج ش س؛ Ⅲ دارەجەلى ديپلوممەن ج ك «قازبەرگەنوۆ» ماراپاتتالدى.
كورمە-بايقاۋ جەڭىمپازدارى «اتامەكەن» ۇلتتىق كاسىپكەرلەر پالاتاسىنىڭ ارنايى ديپلومدارىمەن، مۇسىنشەلەرمەن جانە قارجىلاي سەرتيفيكاتتارمەن ماراپاتتالدى. جەڭىمپازداردان وزگە كورمە- بايقاۋعا قاتىسۋشىلاردىڭ بارلىعى «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسى ابىلاي مىرزاحمەتوۆتىڭ العىس حاتىمەن ماراپاتتالدى.