دامۋ قورى شاعىن جانە ورتا بيزنەسكە كومەك كورسەتۋ قارقىنىن تومەندەتپەيدى - د. ءابىلقايىروۆ

استانا. قازاقپارات - «دامۋ» قورى شاعىن جانە ورتا بيزنەسكە كومەك كورسەتۋ قارقىنىن تومەندەتپەيدى.
None
None

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە اتالعان قور باسقارماسى ءتوراعاسىنىڭ ورىنباسارى داۋلەت ءابىلقايىروۆ ءمالىم ەتتى.

«تەڭگە باعامىن تۇزەتۋ كاسىپكەرلىك احۋالعا ەش اسەر ەتپەيدى جانە بولاشاقتا كاسىپكەرلەر جۇمىسىنىڭ جاندانۋى كۇتىلۋدە. «دامۋ» قورى شاعىن جانە ورتا بيزنەسكە قولداۋ كورسەتۋ قارقىنىن قىسقارتۋدى نەمەسە تومەندەتۋدى بولجاپ وتىرعان جوق. كەرىسىنشە، ءبىز ءوزىمىزدىڭ كومەك كولەمىمىزدى ارتتىراتىندىعىمىزعا سەنىمدىمىز»، - دەدى ول.

ونىڭ اتاپ وتۋىنشە، پايىزدىق ستاۆكالاردى سۋبسيديالاۋعا ارنالعان كاسىپكەرلەردى قولداۋدىڭ ءبىرىڭعاي باعدارلاماسى اياسىنداعى بيۋدجەت 27 ميلليارد تەڭگەنى قۇرايدى. سونىمەن قاتار، بۇگىن نە بولماسا ەرتەڭ بۇل كولەمدى قىسقارتۋ قاراستىرىلىپ وتىرعان جوق.

«بيزنەستىڭ جول كارتاسى ءبىرىڭعاي باعدارلاماسى جۇمىس ىستەۋدە جانە بۇگىنگى كۇنى سۋبسيديالاۋ بويىنشا 5 536 زاەمشى ءبىر تريلليون تەڭگە كولەمىندە نەسيە الدى. كەپىلدەندىرۋگە قاتىستى ايتار بولسام، 1173 زاەمشى 53,6 ميلليارد تەڭگە سوماسىنا نەسيە الدى»، - دەدى د. ءابىلقايىروۆ.

اۆتور: مارلان جيەمباي

سوڭعى جاڭالىقتار