قاجىلارعا ارنالعان رەسمي سايت اشىلدى

استانا. قازاقپارات - ەندى قاسيەتتى ساپارعا اتتانعان قاجىلار عالامتور ارقىلى دا ارنايى قىزمەتتەرگە وڭاي قول جەتكىزەدى الادى.

ساۋد ارابياسى قاجىلىق مينيسترلىگى قاجىلارعا ارنالعان www.haj.gov.sa رەسمي سايتىن ىسكە قوستى، دەپ حابارلايدى «نۇر استانا» پورتالى.

 اتالمىش سايتتان قاجىلار وزدەرىنە قاجەتتى قاجىلىق ماۋسىمىندا جاسالاتىن راسىمدەر تۋرالى بارلىق ماعلۇماتتى تابا الادى.

جەتى تىلدە قىزمەت كورسەتەتىن سايتقا ۇيالى تەلەفون ارقىلى دا كىرۋگە بولادى. قوسىمشا ارقىلى كورسەتىلەتىن قىزمەتتەر ءتىزىمى مەن قوناق ءۇيدى الدىن الا تاڭداپ قويۋ مۇمكىندىكتەرى دە قاراستىرىلعان.