ايفون سمارتفونىن ەندى ءبىر اپتا بويى قۋاتتاماي جۇرۋگە بولادى

استانا. قازاقپارات - Intelligent Energy اعىلشىن كومپانياسى iPhone سمارتفونىنا ارنالعان جاڭا ءتۇرلى باتارەيانىڭ جاسالعانىن حابارلادى.
None
None

بۇل قۇرىلعى ارقىلى Apple ءونىمىن ءبىر اپتا بويى قۋاتتاماي جۇرۋگە بولادى. بۇل تۋرالى The Telegraph جازادى.

مۇنداي باتارەيادا ەلەكتر ەنەرگياسى سۋتەگى مەن وتتەگىنىڭ بىرىگۋى ارقىلى شىعادى. ول پاتەنتتەلگەن تەحنولوگيا ارقىلى جاسالعان. باتارەيانىڭ iPhone 6 قۇرىلعىسىندا قولدانىلاتىنى جانە قۇرىلىمدىق وزگەرىستەردىڭ قاجەتى بولمايتىنى ايتىلادى. جالعىز قاجەتتى تۇزەتۋى - ارتقى پانەلىندەگى ۆەنتيلياتسيالىق تەسىگىندە بولماق، ول ارقىلى از مولشەردە ىلعال بولىنەدى.

سونىمەن قاتار، iPhone-دى قۋاتتاعىش قۇرالدىڭ وزگەرەتىنى ايتىلادى. Intelligent Energy كومپانياسىنىڭ باس ديرەكتورى گەنري ۆيناند كومپانيانىڭ بۇل قۇرىلعىسىن "العا باسقان زور قادام" دەپ اتادى. ونىڭ ايتۋىنشا، مۇنداي جاڭالىق سمارتفوندار سالاسىندا بولماعان.

Tengrinews.kz

سوڭعى جاڭالىقتار