استانالىق كاسىپكەر الا قۇلاننىڭ سۇتىنەن قىمىز جاساپ ساتپاق

وسىعان دەيىن ەرجان ازىق- تۇلىك ونىمدەرىن شىعارۋمەن اينالىسىپ كورمەگەن. كەنياعا بارعاندا ول نايروبي ۇلتتىق ساياباعى ماڭىنداعى فەرمالاردىڭ بىرىندە الا قۇلاننىڭ ءسۇتىن ءىشىپ كورگەن.
«ءدامى جىلقى سۇتىنە ۇقسايدى. ءبىراق ءتۇسى قىزعىلت»، - دەيدى كاسىپكەر.
ەرجان الا قۇلاننىڭ سۇتىنەن سۋسىن جاساۋعا بەل بۋىپ وتىر. ونىڭ سوزىنە قاراعاندا بۇل اركىمنىڭ قالتاسى كوتەرە بەرمەيتىن ەليتالىق سۋسىن بولماق. بيزنەسمەننىڭ پىكىرىنشە، مۇنداي «قىمىز» ۇلتتىق برەند بولۋى مۇمكىن. قازىر ول «كەنيادان الا قۇلاننىڭ ءسۇتىن تاسىمالداۋ ءتيىمدى مە، الدە بۇل جانۋارلاردى قازاقستاندا اسىرۋ ۇتىمدى ما؟» دەگەن ساۋالعا جاۋاپ ىزدەيدى.
«قاراعاندى وبلىسىندا قوداستاردى وسىرەدى. ولاردىڭ دا ءسۇتى قىزعىلت ءتۇستى. الايدا، ول قىمىزعا جارامايدى، ويتكەنى ونىڭ قۇرامىندا قانت از. ەگەر بىزدە قوداستاردى وسىرسە، وندا الا قۇلاندى ءوسىرىپ كورۋگە دە بولماي ما؟»، - دەيدى ول.