باعامنىڭ اۋىتقۋىنان پايدا تابامىن دەپ ايىرباس پۋنكتتەرىنە جۇگىرۋ بەكەرشىلىك - ق ر ۇلتتىق بانكىنىڭ باسشىسى

استانا. قازاقپارات - ق ر ۇلتتىق بانكىنىڭ باسشىسى قايرات كەلىمبەتوۆ قازاقستاندىقتارعا باعامنىڭ اۋىتقۋىنان پايدا تابامىن دەپ ايىرباس پۋنكتەرىنە جۇگىرمەۋگە كەڭەس بەردى.
None
None

بۇل تۋرالى ۇلتتىق بانك باسشىسى ك ت ك تەلەارناسىنداعى «سلۋگي نارودا» باعدارلاماسىنا بەرگەن سۇحباتىندا ايتتى.

«باعامنىڭ وسىنداي اۋىتقۋلارىن ءالى دە بايقايمىز دەپ ويلايمىن. سوندىقتان، ايىرباس پۋنكتتەرىنە جۇگىرىپ پايدا تابامىن دەۋ ورىنسىز. ءبىز ۆاليۋتانىڭ كۇن سايىن، ساعات سايىن كوتەرىلىپ- ءتۇسۋى بويىنشا شىعىس ەۋروپا ەلدەرىنىڭ، سونىڭ ىشىندە رەسەيدىڭ تاجىريبەسىن زەرتتەدىك. جيناقتاردى ءوز شىعىندارىمەن تەپە- تەڭ ۇستاعان ءجون»، - دەپ كەڭەس بەردى ۇلتتىق بانك باسشىسى.

ول، «ەگەر مۇناي قىمباتتاسا، تەڭگە وسەتىنىن، ارزانداسا تەڭگە دە تۇسەتىنىن، مۇنىڭ قانداي جىلدامدىقپەن جۇرەتىنىن نارىق انىقتايتىنىن» جەتكىزدى.

«ازىرگە پايىزدىق مولشەرلەمە بۇرىنعىداي تەڭگە سالىمدارى ءۇشىن - %10، وزگە ۆاليۋتا ءۇشىن - %3. سونىمەن قاتار سالىمدار بويىنشا شەتەل ۆاليۋتاسىندا 5 ميلليونعا دەيىن، ال تەڭگەدە جيناقتاساڭىز، 10 ميلليون سوماعا دەيىن كەپىلدىك بار. ءار تۇتىنۋشى ءوزى شەشىم قابىلدايدى. ورتاشا مەرزىمدى پەرسپەكتيۆادا دوللارسىزداندىرۋ ۇدەرىسى باستالادى دەپ سانايمىز»، - دەدى ۇلتتىق بانك باسشىسى.

سوڭعى جاڭالىقتار