قوقىستان قاجىعان قالا حالقى ەرەۋىلگە شىقتى

استانا. قازاقپارات - «قوقىستى قۇرتىڭدار!» ليۆان استاناسىنىڭ تۇرعىندارى وسىنداي ۇرانمەن قالا كوشەلەرىنە شىعىپ، ەل بيلىگىنە نارازىلىق تانىتتى، دەپ حابارلايدى 24.kz.

بەيرۋتتىقتاردىڭ جاپپاي ەرەۋىلگە شىعۋىنا قالانىڭ تۇكپىر- تۇكپىرىندە تاعام قالدىقتارى سياقتى قوقىستىڭ جينالماي جاتۋى سەبەپ بولعان. ويتكەنى ەلدەگى بيلىكتە اۋىزبىرشىلىك جوق. قوقىستى جويۋ ماسەلەسىن شەشۋگە كەلگەندە ءبىر- بىرىنە سىلتەپ، قول قۋسىرىپ قاراپ وتىرعانىنا بىرنەشە اپتا بولدى.

ەل استاناسىنداعى ماسقارا جاعدايعا شىداي الماعان حالىق پارلامەنت عيماراتىنا وتپەك بولعاندا، پوليتسيا ولارعا سۋمەن مەن گاز شاشىپ، رەزەڭكە وقپەن اتقىلاعان. سالدارىنان 30 دان استام ادام جاراقاتتانىپ، اۋرۋحاناعا ءتۇستى.

قولدا بار مالىمەتتەرگە قاراعاندا، شەرۋگە 5 مىڭداي ادام قاتىسقان.