قاراعاندىدا جۋرناليستەرگە ارنالعان «اسكەري ديسكۋرس» ەكىنشى پراكتيكالىق سەمينارى ءوتىپ جاتىر - فوتو

استانا. قازاقپارات - قاراعاندى وبلىسىنداعى «استانا» وڭىرلىك قولباسشىلىعىنا قاراستى «سپاسسك» وقۋ- جاتتىعۋ ورتالىعىندا بۇقارالىق اقپارات قۇرالدارىنىڭ قىزمەتكەرلەرىنە ارنالعان «اسكەري ديسكۋرس» اتتى ەكىنشى پراكتيكالىق سەمينارى باستالدى.
None
None

 سەمينارعا تەلەارنالاردان، رەسپۋبليكالىق گازەتتەر مەن اقپاراتتىق اگەنتتىكتەردەن جالپى سانى 40 جۋرناليست جانە بلوگەرلەر قاتىستى. قازاقستاندىق  ب ا ق وكىلدەرى 21-23 - تامىز ارالىعىندا پوليگون جاعدايىندا ءۇش كۇنىن وتكىزەدى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.  

قازاقستاندىق جۋرناليستەر اراسىندا قارۋلى قاقتىعىس اۋماعىندا جۋرناليستتىڭ جۇمىسىن كورسەتۋ، ولاردى شىندىققا سايكەستەندىرىلگەن جاعدايدا ۇيرەتۋ كەڭ تارادى. بۇگىنگى زامان شىندىعى وسىنداي سەمينار قوزعايتىن تاقىرىپتىڭ وزەكتىلىگى مەن قاجەتتىلىگى تۋرالى اڭگىمەلەيدى.

«مەن سەمينار جايلى بىلگەن سوڭ، بارعىم كەلدى. ارىپتەستەرىمنەن ول جايىندا كوپ ەستىدىم. «فەيسبۋك»، بۇكىل الەۋمەتتىك جەلىلەر، بارلىق سايتتار سونى تىلگە تيەك ەتتى. مەن ءتىلشى رەتىندە ۇنەمى اسكەري ورتاعا قالاي تۇسۋگە بولادى دەپ ويلايتىنمىن. بۇل جەردە شىندىققا ساي اسكەري ءىس- قيمىلدار جاسايتىنىنا سەنەمىن. الدا سونى كۇتەمىن جانە وعان قاتىسقىم كەلەدى»، - دەدى سەمينارعا قاتىسۋشى اسحات نيازوۆ.

جۋرناليستەرگە ەرەكشە ءبىلىم بەرىپ، ونىڭ ءىس جۇزىندە قولدانۋعا ق ر قورعانىس مينيسترلىگىنىڭ ارنايى ماقساتتاعى اسكەري قىزمەتشىلەرى اراسىنان تاعايىندالعان تاجىريبەلى اسكەري نۇسقاۋشىلار كومەكتەسەدى.

«اسكەري ديسكۋرس» اتتى ەكىنشى سەميناردا جۋرناليستەردىڭ پسيحولوگيالىق دايارلىعىنا ەرەكشە ءمان بەرۋدى كوزدەدىك. وسى ورايدا پسيحولوگيالىق بەرىكتىكتى نىعايتۋدىڭ جاڭا ادىستەمەلەرى ەنگىزىلدى. قاتىسۋشىلاردىڭ ايتۋىنشا، بۇل ادىستەمەلەر ب ا ق وكىلدەرىنە قاۋىپتى جاعدايدا جۇمىس جاساۋعا دايارلىق بارىسىندا ماڭىزدى ءرول اتقارادى. ءبىز ءبىرىنشى سەميناردىڭ ناتيجەسىن تالداي وتىرىپ جۋرناليستەردىڭ وسى باعىتتاعى دايارلىعىن جەتىلدىرۋ قاجەت دەگەن قورىتىندىعا كەلدىك»، - دەدى ۇيىمداستىرۋشىلار.

12

11

10

9

8

7

6

5

4

2

سوڭعى جاڭالىقتار