ش ق و- دا «التاي - التىن بەسىك» اتتى ءبىرىنشى حالىقارالىق ارحەولوگيالىق ەكسپەديتسياسى اياقتالدى - فوتو

استانا. قازاقپارات - حالىقارالىق تۇركى اكادەمياسىنىڭ شىعىس قازاقستان وبلىسىنىڭ قاتونقاراعاي اۋدانىنداعى قاراقابا جازىعىندا جۇرگىزگەن «التاي - التىن بەسىك» اتتى ءبىرىنشى حالىقارالىق ارحەولوگيالىق ەكسپەديتسياسى اياقتالدى.  
None
None

19-21 - تامىز ارالىعىندا تۇركيا ۇكىمەتىنىڭ حالىقارالىق ىنتىماقتاستىق جانە دامۋ بويىنشا اگەنتتىگىنىڭ (TIKA) قولداۋىمەن وتكەن ەكسپەديتسيانىڭ جۇمىسىنا تىكا، ازەربايجان ارحەولوگيا جانە ەتنوگرافيا ينستيتۋتى، ءا. ح. مارعۇلان اتىنداعى ارحەولوگيا ينستيتۋتى، «ماناس» قىرعىز- تۇرىك ۋنيۆەرسيتەتى، ق. ا. ياسساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ باسشىلارى مەن جەتەكشى ماماندارى قاتىستى.

ح ت ا- نىڭ باسپا ءسوز قىزمەتىنىڭ حابارلاۋىنشا، قاراقابادا ءتورت كەشەندى قورىمدى اشقان ارحەولوگتار جاڭا ارتەفاكتىلەردى انىقتادى.  
 ەكسپەديتسيانىڭ جۇمىسى حالىقارالىق تۇركى اكادەمياسىندا كەزدەسۋگە ۇلاستى. وندا قاتىسۋشىلارعا سەرتيفيكات تابىستالدى. ءوز كەزەگىندە شەتەلدىك قوناقتار بۇكىل تۇركى حالىقتارىنىڭ التىن بەسىگى دەلىنەتىن التايداعى ەكسپەديتسيادان العان اسەرى مەن وي- پىكىرىن ورتاعا سالدى.   
 اكادەميانىڭ كىتاپحاناسىندا وتكەن قورىتىندى وتىرىستا كەلەسى جىلى ەكسپەديتسيانى بۋمىن مەن بىلگە قاعاندار، سونداي- اق كۇلتەگىن ىزدەرىن قالدىرعان موڭعوليادا وتكىزۋ تۋرالى ءبىراۋىزدان كەلىسىم جاسالدى. بۇدان باسقا، موڭعولياداعى «شيۆەە ۋلاان» كەشەنىندە زەرتتەۋ جۇمىستارى جالعاساتىن بولدى.   
 قورىتىندى شىعارعان اكادەميانىڭ پرەزيدەنتى دارحان قىدىرالى حالىقارالىق ەكسپەديتسيا جىل سايىن ءداستۇرلى ۇلگىدە وتكىزىلەتىنىن اتاپ ءوتتى. شارالاردىڭ اتاۋى ولاردى وتكىزۋ جەرلەرىنە بايلانىستى وزگەرىپ وتىرماق.  
 بولاشاقتا ارحەولوگيالىق قازبا جۇمىستارى رەسەي، ۆەنگريا، يران، ءۇندىستان، مىسىر، قىتاي جانە تۇركى حالىقتارىنىڭ ءىزى قالعان باسقا ەلدەردە وتپەك.

null
null

null

null

null

سوڭعى جاڭالىقتار