قاراعاندى وبلىسىندا قوس عاشىقتىڭ قاتەلىگى اتا- اناسىن وكىندىردى

دەپ جازادى kriminalka.kz.
كامەلەت جاسىنا جەتپەگەن ەكەۋى ءبىر اعاشقا اسىلعان كۇيىندە تابىلدى. ءبىر- ءبىرىنىڭ قولىنان قاتتى ۇستاپ العان.
اتالعان ءىس بويىنشا ماعلۇمات وتە از. جەرگىلىكتى مۇعالىمدەر دە، وبلىستىق پوليسيا دا قانداي دا ءبىر تۇسىنىك بەرۋدەن باس تارتىپ وتىر.
«بۇل فاكتىگە قاتىستى ق ر ق ك- ءنىڭ 105-بابىنىڭ 3-بولىمىمەن («ءوز- ءوزىن ولتىرۋگە دەيىن جەتكىزۋ» ) قىلمىستىق ءىس قوزعالدى. قاجەتتى ساراپتامالار تاعايىندالىپ، سوتقا دەيىنگى تەرگەۋ امالدارى جۇرگىزىلىپ جاتىر»، - دەدى قاراعاندى وبلىستىق تجد باسپا ءسوز قىزمەتىنىڭ باسشىسى باقىتجان كۋدەياروۆ.
قاراجال تۇرعىندارى قايتىس بولعان قىز بالا تۋرالى تەك جاقسى پىكىردە. ول ساباعىن ۇزدىك وقىپ، مەكتەپ ماقتانىشى بولعان. قىز بالا اتا- انانىڭ ايالى الاقانىنا بولەنىپ مولشىلىقتا وسكەن، قۇربى- قۇرداستارى ونى قاراپايىم، تىنىش، مەيىرىمدى، تۇيىقتاۋ دەپ ەسكە الادى. ونى ەشقانداي ءدىني اعىندار قىزىقتىرماعان دا ەكەن. «ەمو» جانە «گوتتار» ءتارىزدى جاستار سۋب مادەنيەتىنىڭ قولداۋشىسى بولعان دا ەمەس.
باسىلىمنىڭ اتاپ وتۋىنشە، وقۋشى قىز ءبىراز ۋاقىت وزىنەن ەكى جاس ۇلكەن، كوللەدجدە وقيتىن، ءوزى سياقتى كامەلەت جاسقا جەتپەگەن بوزبالامەن «جۇرگەن».
ولاردىڭ جاسىندا ءبىلىم الۋ كەرەك دەپ تۇسىندىرگەن اتا- انالارى ەكەۋىنىڭ دوستىعىنا قارسى بولعان بولۋى مۇمكىن. وسى جاعداي ولاردىڭ ۇلكەن قاتەلىك جاساۋىنا اكەلگەن بولار. بۇل ازىرگە بولجام.