ەركىن باعام تەڭگەنىڭ جۇمىسقا قابىلەتتىگىن ارتتىرادى

«مەنىڭ ويىمشا، بۇل (تەڭگەنىڭ ەركىن باعامعا كوشۋى) حالىق ساناسىنا دوللارسىزدانۋ تۇيسىگىنىڭ قالىپتاسۋىنا سەبەپ. اتاپ وتەرلىگى، ءبىزدىڭ حالقىمىز دوللارعا بارىنشا تاۋەلدى ءارى تۇراقتى وپەراتسيالاردى ءدال وسى دوللارمەن جۇزەگە اسىرادى. ءبىراق، ەۋرووداقتا تەك ەۋرو، رەسەيدە بارلىق وپەراتسيالاردا حالىق تەك رۋبل پايدالانادى. بىزدەرگە تەڭگەمەن جۇمىس تاجىريبەسىن نىعايتۋ قاجەت»، - دەدى ول.
ونىڭ پايىمىنشا، جاڭا اقشا- نەسيە ساياساتى - بۇل ءماجبۇرلى بولعانىمەن ستراتەگيالىق تۇرعىدا وتە دۇرىس قادام. ساياسات تانۋشىنىڭ اتاپ وتۋىنشە، تەڭگەنىڭ تۇزەتىلەتىندىگى بەلگىلى بولعان. تەك ونىڭ قاشان ورىن الاتىندىعى عانا ايقىن بولماعان ەدى.
«الەمدىك ەكونوميكالىق داعدارىس بارلىق مەملەكەتتەرگە اۋىرتپالىعىن سالىپ جاتىر جانە ەشكىم دە ونىڭ سالدارىن جويۋعا قاۋقارلى ەمەس. بۇل قازاقستاننىڭ بارلىق ەكسپورتتىق تاۋارلارىنا الەمدىك باعانىڭ قۇلدىراۋىنان بىلىنەدى. مۇناي شامامەن 60, مەتالل 45,6 پايىزعا ارزاندادى. ايتا كەتۋ كەرەك، تاياۋ بولاشاقتا دا ءوسىم بايقالمايدى»، - دەدى ا. ەشمۇراتوۆ.
ونىڭ ايتۋىنشا، تەڭگەنىڭ ەركىن ايىرباس باعامىنا كوشۋ زور ينستيتۋتتىق تۇرلەنۋدىڭ باسى عانا بولماق.
«قازىر ءبىز د س ۇ- عا كىرەمىز. كەلەسى جىلدان باستاپ ءبىزدىڭ ەكونوميكامىز جانە كاسىپورىندارىمىز جاڭا سىن- قاتەرلەرمەن بەتپە- بەت كەلەدى. سوندىقتان، الەمدىك ەكونوميكاداعى جاڭا سىن- قاتەرلەرگە لايىقتى توتەپ بەرۋىمىز قاجەت»، - دەدى ول.
ساياسات تانۋشىنىڭ ايتۋىنشا، مەملەكەت بۇل كەزەڭدى ەڭسەرۋ ءۇشىن وتە دۇرىس داعدارىسقا قارسى الەۋمەتتىك شارالاردى قابىلداۋدا.
«ەلدىڭ داعدارىستى ەڭسەرۋ جولىنداعى تاجىريبەسى بىزدەردىڭ ءار ۋاقىتتا دا ودان لايىقتى دەڭگەيدە شىعىپ وتىرعانىمىزدى كورسەتتەدى. وسى جولعى الەمدىك داعدارىسقا دا لايىقتى جاۋاپ بەرە الامىز»، - دەدى ا. ەشمۇراتوۆ.
اۆتور: مارلان جيەمباي