ديقاندار ونىمدەرىن شەتەلگە جوعارى باعامەن ساتۋعا مۇمكىندىك الادى

ولاردىڭ ايتۋىنشا، بۇل جاعداي قازاقستاندىق تاۋاردى شەتەلگە ءتيىمدى باعامەن ساتۋعا جول اشادى. ماسەلەن، زەرەندى اۋدانىنداعى «ۆيكتوروۆسكوە» سەرىكتەستىگى بيداي ەكسپورتتاۋمەن اينالىسادى. نارىق زاڭىن بىلەتىن شارۋاشىلىق بيىل مايلى داقىلداردىڭ ۇلەسىن كوبەيتتى. ەندى ولار ءونىمىن جوعارى باعامەن ساتقىسى كەلەدى. سونىمەن قاتار، بيىل بيداي باعاسى دا كوڭىلدەن شىعادى دەپ بولجايدى. سەبەبى، وڭىردەگى ەگىننىڭ باسىم بولىگىن قىرمانداعى قىزىل ءدان قۇرايدى. نەگىزگى كىرىس كوزى دە سول. ۆلاديمير اندريۋحين، كاسىپكەر: - ماسەلەن، مەملەكەت ءبىزدىڭ قارىزدارىمىزدىڭ %7 ىن ءوز موينىنا الىپ، قالعانىن قازىناعا قايتارۋىمىزعا 5 جىلدان 7 جىلعا دەيىن ۋاقىت بەرىپ وتىر. بۇل - اۋىلشارۋاشىلىعى كاسىپورىندارىنا ۇلكەن قولداۋ. قازىرگى جاعدايدا ءبىز كۇتىپ وتىرعان ولجا ونىمدەرىمىزدى دوللارمەن ساتۋىمىزدا جاتىر. ال بانكتەرگە دەگەن بەرەشەكتەرىمىزدى ءبىز تەڭگەمەن وتەيمىز. بۇيىرتسا، ۇتاتىن جەرىمىز وسى بولىپ تۇر.