قانداستارىمىز اتىراۋدا وقيتىن بولدى

 استانا. قازاقپارات - اتىراۋ مۇناي جانە گاز ينستيتۋتىندا قىتاي حالىق رەسپۋبليكاسىنان كەلگەن تالاپكەرلەردى قارسى الۋ ءراسىمى ءوتتى.
None
None

 ايماقتاعى مۇنايشى مامانداردى دايارلايتىن ينستيتۋتتىڭ ستۋدەنتتەر سارايىنىڭ الدىندا، ۇلتتىق داستۇرمەن توكپە كۇي شەرتىلىپ، ءداستۇرلى ءان شىرقالعان دۋمان بولىپ ءوتتى. قىتاي ەلىنەن كەلگەن تالاپكەرلەردىڭ الدىنان شاشۋ شاشىپ قارسى العان ينستيتۋتتىڭ ۇجىمى مەن ستۋدەنتتەرى قانداستاردى باۋىرمالدىقپەن قارسى الدى.

 اتىراۋ مۇناي جانە گاز ينستيتۋتىنىڭ رەكتورى، ەكونوميكا عىلىمدارىنىڭ دوكتورى ءالي ابىشيەۆ، قازاق ەلىنىڭ باتىس وڭىرىنە تۇڭعىش رەت اياق باسىپ وتىرعان قانداستارىمىزعا قوش كەلدىڭ ايتىپ، اتىراۋ مۇناي جانە گاز ينستيتۋتىنا وقۋعا قابىلدانۋلارىمەن قۇتتىقتادى.

 جوعارى وقۋ ورنىنىڭ رەكتورى قانداستارىمىزعا ينستيتۋتتىڭ باسىم باعىتتارى مەن ەرەكشەلىگىنە، بۇل شارانىڭ ءۇييد مەملەكەتتىك باعدارلاماسى اياسىندا جۇزەگە اسىرىلىپ وتىرعاندىعىن ايتىپ ءوتتى.

 رەسمي شارادان سوڭ، ينستيتۋتتىڭ دارىندى ستۋدەنتتەرى بولاشاق ستۋدەنتتەرگە ءوز ونەرلەرىن كورسەتىپ، الىس جولدان شارشاپ كەلگەن قوناقتارعا كوتەرىڭكى كوڭىل كۇي سىيلادى. كورسەتىلگەن سىي- قۇرمەتكە العىس رەتىندە قىتاي ەلىنەن كەلگەن تالاپكەرلەر قازاقستان رەسپۋبليكاسىنىڭ مەملەكەتتىك ءانۇرانىن ورىنداپ، توسىن سىي جاسادى.

 بۇل سالتاناتتى شارا ۇيلەسىمدى قىزمەتتەستىك پەن جەمىستى ەڭبەكتىڭ باستاۋى رەتىندە ەكىجاقتىڭ دا ەسىندە قالارى ءسوزسىز.

«ايقىن»

سوڭعى جاڭالىقتار