امەريكالىق مۇعالىم قىز يسا پايعامبارمەن «ۇيلەنۋ تويىن» دۇركىرەتىپ وتكىزدى

استانا. قازاقپارات - امەريكانىڭ ينديانا شتاتىندا جوعارى سىنىپ مۇعالىمى بولىپ قىزمەت ەتەتىن دجەسسيكا حەيز ءوزىنىڭ يسا پايعامبارعا «كۇيەۋگە شىعۋ» سالتاناتتى ءراسىمىن وتكىزدى.
None
None

بۇل تۋرالى ras.kz سايتى اقپارات كوزى The Daily Mail باسىلىمىنا سىلتەمە جاساي وتىرىپ حابار تاراتتى.

دجەسسيكا حەيز ەسىمدى بويجەتكەن ءوز ەركىمەن جانە رەسمي تۇردە ءومىرىن قۇدايعا قۇلشىلىق ەتۋگە ارناۋعا شەشىم قابىلداعان ايەلدەردىڭ قاتارىنان تابىلدى. ال ا ق ش- تا مۇندايلاردىڭ سانى قازىر 230 عا جەتىپ وتىر ەكەن.

 ولار وسىدان سوڭ ەشكىممەن جىنىستىق قاتىناس جاساماۋى جانە ءتىرى ادامعا كۇيەۋگە شىقپاۋى ءتيىس.

بۇل جولعى ەرەكشە ۇيلەنۋ تويى ينديانا شتاتىنداعى فورت-ۋەين قالاسىنداعى سوبوردا ءوتتى. تويدا دجەسسيكا ءوزىنىڭ باياعىداي ءومىر سۇرە بەرەتىنىن، ءبىراق ەندى ەشقاشان تۇرمىس قۇرا المايتىنىن ايتتى.

«مەكتەپكە بارعانىمدا وقۋشىلارىم ميسسيس(ارۋ) حەيز دەپ اتاۋعا بولاتىن- بولمايتىنىن سۇرادى. جوق، مەن ءالى ميسسپىن. ءبىراق مەن يساعا كۇيەۋگە تيگەنمىن»، - دەپ اتاپ ءوتتى قىز.

وزگەشە تويعا كەلۋشىلەر كوپ بولىپتى. ولاردىڭ اراسىنان ءتىپتى حەيزدى تانىمايتىن كىسىلەر دە كەزدەسكەن.

سوڭعى جاڭالىقتار