الىپساتارلاردى جازالاۋ جولدارى اتالدى

استانا. قازاقپارات - ق ر ۇلتتىق ەكونوميكا مينسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى مەن «اتامەكەن» ۇلتتىق كاسىپكەرلەر پالاتاسى كاسىپكەرلىك سۋبەكتىلەرىنە تاۋار نارىقتارىنداعى باعالاردىڭ الىپساتارلىق وسۋىنە جول بەرمەۋ تۋرالى بىرلەسكەن ۇندەۋ جولدادى.
None
None

«الىپساتارلىق باعالار تاۋەكەلى ەڭ الدىمەن ءبىرىنشى كەزەكتە قاجەت ازىق- تۇلىك تاۋارلارىنا، جوعارى تۇتىنۋشىلىق سۇرانىسقا يە (اۆتوموبيلدەر، ۇيىمداستىرۋشىلىق تەحنيكا، تۇرمىستىق حيميا زاتتارى جانە ت. ب.)، سونداي- اق مۋلتيپليكاتيۆتىك اسەرى بار ازىق- تۇلىككە جاتپايتىن تاۋارلارعا (مۇناي ونىمدەرى، تاۋارلىق جانە سۇيىتىلعان گاز، كومىر، مازۋت جانە ت. ب. ) قالىپتاسقان جاعدايدا، مونوپولياعا قارسى ورگان مونوپولياعا قارسى زاڭنامانىڭ بۇزىلۋ بەلگىلەرى بويىنشا تەرگەۋلەردى باستاۋعا قۇقىلى»، دەلىنگەن حابارلامادا.

سونىمەن، تەرگەۋدى باستاۋعا نارىق سۋبەكتىلەرىنىڭ مىناداي الىپساتارلىق (نەمەسە ۇستەم جاعدايدى تەرىس پايدالانۋ) فاكتىلەرى الىپ كەلۋى مۇمكىن:

 - مونوپوليالىق جوعارى باعانى بەلگىلەۋ؛

 - ءوندىرۋ نەمەسە ءونىم بەرۋ مۇمكىندىگى بولعان كەزدە سۇرانىسقا يە تاۋارلاردى ءوندىرۋ جانە وتكىزۋ بويىنشا نەگىزسىز شەكتەۋلەر ەنگىزۋ؛

- تاۋاردى ءونىم اينالىمنان الىپ قويۋ ارقىلى نارىقتا جاساندى تاپشىلىق جاساۋ («باسەكەلەستىك تۋرالى» ق ر زاڭىنىڭ 13-بابى) .

 - تاۋارلاردى ساتىپ الۋ نەمەسە وتكىزۋ باعالارىن نە باسقا شارتتارىن بەلگىلەۋ جانە (نەمەسە) قولداۋ؛

- تاۋارلاردى ءوندىرۋ مەن وتكىزۋدى نەگىزسىز شەكتەۋ («باسەكەلەستىك تۋرالى» ق ر زاڭىنىڭ 10, 11-باپتارى) بويىنشا نارىق سۋبەكتىلەرىنىڭ كەلىسىمدەرى جانە (نەمەسە) كەلىسىلگەن ءىس- ارەكەتتەرىنە تىيىم سالىنادى.

مۇنداي ءىس- ارەكەتتەردى جاساۋ بارلىق مونوپوليالىق تابىستى تاركىلەپ (ق ر ا ق ب ت ك- نىڭ 159-بابى) %3 دان %5 عا دەيىن اينالىم ايىپپۇلدارىن سالۋعا اكەپ سوعادى.

بۇدان باسقا، اتالعان بۇزۋشىلىقتار ءۇشىن قىلمىستىق جاۋاپكەرشىلىك (ق ر ق ك-نىڭ 221-بابى) كوزدەلگەن.

«سونىمەن قاتار مونوپولياعا قارسى تەرگەۋگە جول بەرمەۋ ءۇشىن ەسكەرتىلەتىن ىقپال ەتۋ شارالارىن قولدانۋ كەزەڭىندە نارىق سۋبەكتىلەرىن ءوز قىزمەتىن نەگىزدى باعالىق جانە ساۋدا ساياساتىن جۇرگىزىپ، قولدانىستاعى زاڭناماعا قاتاڭ سايكەستىكتە، وبەكتيۆتى ءمان- جايلاردى، ونىڭ ىشىندە: ءونىم قالدىقتارىنىڭ (قورىنىڭ) بار بولۋى؛ ءونىمدى ءوندىرۋدىڭ وزىندىك قۇنىنىڭ نەمەسە ساتىپ الۋ قۇنىنىڭ وزگەرمەيتىندىگى؛ وتكىزىلەتىن ءونىمنىڭ ارتۋى ءونىمنىڭ وزىندىك قۇنىنىڭ نە ءونىمنىڭ ساتىپ الۋ قۇنىنىڭ ارتۋىنا پروپورتسيونالدى بولۋى (مىسالى، ساتىپ الۋ نە وزىندىك قۇن بار بولعانى %5 عا ۇلعايعان كەزدە تاۋاردى وتكىزۋ باعاسىنىڭ %20 عا نەگىزسىز ۇلعايۋى) جاعدايىندا جۇزەگە اسىرۋدى سۇرايمىز»، دەلىنگەن حابارلامادا.

مونوپولياعا قارسى ورگاننىڭ قىزمەتكەرلەرى اكىمدىكتەر جانىنان قۇرىلعان باعالاردى باقىلاۋ بويىنشا جەدەل شتابتاردىڭ قۇرامىنا كىردى، وندا مونوپولياعا قارسى دەن قويۋ قۇرالدارىنىڭ ەلەۋلى جيناعىن ەسكەرە وتىرىپ، قالىپتاسقان جاعدايدا ولار بەلسەندى ءرول اتقاراتىن بولادى.

 تەرگەۋلەردەن باسقا، مونوپولياعا قارسى ورگان نەگىزگى الەۋمەتتىك ماڭىزى بار تاۋارلار باعالارىنا كۇن سايىن مونيتورينگ جۇرگىزەتىن بولادى.

باعالاردىڭ كۇرت ءوسۋى فاكتىلەرى بويىنشا اۋماقتىق دەپارتامەنتتەردىڭ جەرگىلىكتى باق- تا جاريالاناتىن سەنىم تەلەفوندارى بويىنشا، سونداي- اق مونوپولياعا قارسى ورگانعا جانە ونىڭ وبلىستىق دەپارتامەنتتەرىنە رەسمي وتىنىشتەرمەن جۇگىنۋگە بولاتىنىن ازاماتتارعا حابارلايمىز.

سوڭعى جاڭالىقتار