قىتايدا الەۋمەتتىك جەلىلەر ۋاقىتشا بۇعاتتالاتىن بولدى
بۇل تۋرالى حالىقارالىق جەڭىل اتلەتيكا قاۋىمداستىعىنىڭ (IAAF) باس حاتشىسى ەسسار گابريەل حابارلادى.
جەڭىل اتلەتيكادان بەيجىڭدە وتەتىن الەم چەمپيوناتى 30 -تامىزعا دەيىن جالعاسادى. ءبىر اپتادان اسىق ۋاقىت ىشىندە قىتاي حالقى «facebook» پەن «twitter» الەۋمەتتىك جەلىلەرىن پايدالانا المايدى. ال «Google» ىزدەۋ جۇيەسى بەلگىلى ءبىر ۋاقىت ارالىعىندا عانا جۇمىس جاسايتىن بولادى. سوڭعى رەت «Google» قىتايدا 2012 -جىلى 12 ساعاتقا بۇعاتتالعان بولاتىن. ال الەم چەمپيوناتىنا قاتىسۋشىلارعا الەۋمەتتىك جەلى مەن «Google» ىزدەۋ جۇيەسىن پايدالانۋعا مۇمكىندىكتەر بار.
- «Facebook»، «Twitter» جانە «Google» جۇيەلەرىن الەم چەمپيوناتىنا قاتىساتىن سپورتشىلار، تىلشىلەر مەن باپكەرلەرى عانا پايدالانا الادى. ءبىز جارىس وتكىزۋشى ەلدىڭ زاڭىن قۇرمەتتەۋگە ءتيىسپىز. سوندىقتان دا ءبىز ءوز اقپاراتىمىزبەن بولىسەتىن بولامىز. الەۋمەتتىك جەلىلەر الەم چەمپيوناتىنا ارنالعان ارنايى قوناقۇيلەردە عانا قولجەتىمدى بولادى، - دەدى ەسسار گابريەل.
ايتا كەتەيىك، جەڭىل اتلەتيكادان بەيجىڭدەگى الەم چەمپيوناتى ەرتەڭ باستالادى. ەلىمىزدىڭ نامىسىن 10 سپورتشى قورعايتىن بولادى. ولاردىڭ قاتارىندا 2012 -جىلعى وليمپيادا چەمپيونى ولگا رىپاكوۆا دا بار.
massaget.kz
